Յունիբանկը ժամկետային ավանդների ծավալով ՀՀ բանկային համակարգի առաջատարն է
14.02.2013Բնակչության վստահության և ավանդատուների թվի մեծացման շնորհիվ, Յունիբանկը ժամկետային ավանդների ծավալով զբաղեցնում է առաջատարի դիրք ՀՀ բանկային համակարգում: 2012թ. արդյունքներով բանկի ժամկետային ավանդների ծավալը կազմել է 96.7 մլրդ դրամ, որից 65.7 մլրդ դրամը բաժին է ընկել ֆիզիկական անձանց ժամկետային ավանդներին: Զգալի աճ է արձանագրվել նաև իրավաբանական անձանց ժամկետային ավանդների ծավալում: 2012թ.-ի ընթացքում դրանք աճել են 19%-ով և կազմել 31 մլրդ դրամ: Յունիբանկի ավանդների ընդհանուր ծավալն աճել է 24%-ով և տարեվերջին կազմել 112.5 մլրդ դրամը:
Դրամական միջոցները Յունիբանկում ավանդադրելիս, հաճախորդները, կախված ավանդների պայմաններից, կարող են օգտվել մուլթիարժութային ռեժիմից, իրականացնել տոկոսների կապիտալիզացիա, համալրել կամ մասնակի ետ կանչել ավանդի գումարը: Ընդ որում, բանկը բարձր եկամտաբերությամբ` մինչև 13% տարեկան տոկոսադրույքով, ավանդներ է առաջարկում ինչպես ռեզիդենտ, այնպես էլ ոչ ռեզիդենտ անձանց: ՀՀ դրամով գումար ավանդադրելու դեպքում սահմանվում է 13% տարեկան տոկոսադրույք, անգամ եթե ավանդի ժամկետը կազմում է 3 ամիս:
Յունիբանկի ավանդների վերաբերյալ առավել մանրամասն տեղեկատվությանը կարող եք ծանոթանալ “Ավանդներ” բաժնում: Մեր մասնագետներին կարող եք դիմել` զանգահարելով (37410) 59 55 55 հեռախոսահամարով կամ լրացնելով կայքում տեղադրված հետադարձ կապի համապատասխան ձևը:
Ծանոթացեք նաեվ
-
Հայտարարություն 24.01.2013