POS տերմինալներ

Էքվայրինգը (քարտերով առցանց վճարումներ POS տերմինալով) բանկային ծառայություն է, որը հնարավորություն է տալիս բիզնեսին ընդունելու վճարումներ բանկային քարտերով: Այս ծառայությունն ապահովում է արագ, անվտանգ և արդյունավետ վճարումների ընդունում:

Էքվայրինգի մեր լուծումներն ապահովում են բիզնեսի և հաճախորդի միջև անվտանգ գործարքների իրականացումը, ինչը նպաստում է ընկերությունների վաճառքների աճին, և որպես արդյունք՝ հաճախորդների գոհունակությանը:

Ինչպե՞ս դիմել

POS տերմինալներ vPOS UniLink

Շարժական POS

POS տերմինալները հեշտացնում են վճարումների գործընթացը՝ ապահովելով անվտանգ և արագ գործարքներ: Մեր POS տերմինալները համատեղելի են հետևյալ համակարգերի հետ՝ Visa, Mastercard, ArCa:

Շարժական POS տերմինալը տրամադրվում է անվճար բանկի կողմից:

ՀԴՄ-ի վրա POS ծառայության ակտիվացում

ArCa, Visa, Mastercard քարտերով վճարումների ընդունում` առանց հավելյալ սարքի:
Բանկը ծառայությունն ակտիվացնում է առևտրի/սպասարկման կետին պատկանող ՀԴՄ սարքի միջոցով: Դրա համար անհրաժեշտ է բանկ ներկայացնել ՀԴՄ սարքի գործարանային համարը:
Ծառայությունը հասանելի է SUNMI P2 ՀԴՄ սարքի համար:

Առցանց հայտ

Լրացրեք օնլայն հայտը և մեր մասնագետը կապ կհաստատի ձեզ հետ:

Լրացնել հայտը

Այցելել մասնաճյուղ

Այցելեք բանկի ցանկացած մասնաճյուղ և լրացրեք առևտրային կետի գրանցման հայտ-պայմանագիրը:

Մեր մասնաճյուղերը

Յունիբանկի Visa/Mastercard քարտեր

0.9%

Arca քարտեր

0.5%

ՀՀ բանկերի Visa/Mastercard քարտեր

0.9%

Արտասահմանյան բանկերի Visa/Mastercard քարտեր

1.7%

Շարժական եւ ՀԴՄ POS տերմինալների համար անհրաժեշտ է ապահովել նվազագույնը 50 000 ՀՀ դրամ ամսական շրջանառություն տրամադրված յուրաքանչյուր POS-տերմինալով: Սահմանված շրջանառությունը չապահովելու դեպքում՝ Բանկի պահանջով յուրաքանչյուր POS-տերմինալի համար կատարվում են ամսական սպասարկման հետեւյալ վճարները.

Տարածք

Ամսական վճար

Երեւան

4 600 ՀՀ դրամ

Այլ քաղաքներ

3 000 ՀՀ դրամ

Գյուղեր

1 000 ՀՀ դրամ

Ու՞մ է պատկանում POS տերմինալը:

Առևտրի կետում տեղադրված POS-տերմինալը բանկի սեփականությունն է: Սարքավորումը վնասելու և/կամ դրա կորստի դեպքում պասխանատվությունը կրում է առևտրի կետը:

Արդյո՞ք պետք է պահպանել գործարքների անդորրագրերի պատճենները:

Քարտերով կատարված գործարքների անդորրագրերի պատճեններն անհրաժեշտ է պահպանել գործարքի կատարման օրվանից սկսած 1 տարվա ընթացքում: Անհրաժեշտության դեպքում բանկը կարող է պահանջել անդորրագրերը, որոնք պետք է ներկայացվեն 1 (մեկ) բանկային օրվա ընթացքում` բանկից ստացված հարցման օրվանից սկսած:

Արդյո՞ք առևտրի կետն իրավասու է կանխիկ գումար տրամադրել անկանխիկ գործարքի դիմաց:

Առևտրի կետն իրավասու չէ տրամադրել կանխիկ գումար անկանխիկ գործարք դիմաց: Քարտով կատարված գործարքի գումարը ենթակա է վերադարձման բացառապես վճարումը կատարած քարտին:

Արդյո՞ք POS-տերմինալի միջոցով վճարման դեպքում քարտապանից կարող է գանձվել լրացուցիչ միջնորդավճար:

Ոչ, անկանխիկ գործարքի համար հավելյալ վճար չի սահմանվում:

ԴՈՒՔ ԻՐԱՎՈՒՆՔ ՈՒՆԵՔ ՀԱՂՈՐԴԱԿՑՎԵԼ ՖԻՆԱՆՍԱԿԱՆ ԿԱԶՄԱԿԵՐՊՈՒԹՅԱՆ ՀԵՏ ՁԵՐ ՆԱԽԸՆՏՐԱԾ ԵՂԱՆԱԿՈՎ՝ ՓՈՍՏԱՅԻՆ ԿԱՊԻ ՄԻՋՈՑՈՎ ԿԱՄ ԷԼԵԿՏՐՈՆԱՅԻՆ ԵՂԱՆԱԿՈՎ: ԷԼԵԿՏՐՈՆԱՅԻՆ ԵՂԱՆԱԿՈՎ ՏԵՂԵԿԱՏՎՈՒԹՅԱՆ ՍՏԱՑՈՒՄԸ ԱՄԵՆԱՀԱՐՄԱՐԱՎԵՏՆ Է: ԱՅՆ ՀԱՍԱՆԵԼԻ Է 24/7 ՌԵԺԻՄՈՎ, ԶԵՐԾ Է ԹՂԹԱՅԻՆ ՏԵՂԵԿԱՏՎՈՒԹՅԱՆ ԿՈՐՍՏԻ ՌԻՍԿԵՐԻՑ ԵՎ ԱՊԱՀՈՎՈՒՄ Է ԳԱՂՏՆԻՈՒԹՅՈՒՆ:

Թարմացված է` 21/08/26 15:44