Մրցույթի հայտարարություններ

2024թ.-ի օգոստոսի 09-ից Յունիբանկ ԲԲԸ-ն (այսուհետ` Բանկ) հայտարարում է մրցույթ իր` ք.Երևան, Էրեբունի փ. 20, 50 հասցեում գտնվող «Էրեբունի» մասնաճյուղի տարածքի վերակառուցման, վիտրաժների տեղադրման, լուսավորության անցկացման և կահավորման նպատակով,համաձայն ներկայացված դիզայն-նախագծի (Հավելված 1):

• Յուրաքանչյուր Լոտի համար իրականացվելու է առանձին մրցույթ,
• Շինարարական աշխատանքների համար անպայման ներկայացնել նախահաշիվ,
• Հայտերը ներկայացնելիս, անպայման նշել կատարվելիք աշխատանքների վերջնաժամկետը:

Մասնակիցների որակավորման չափանիշները

Աշխատանքները պետք է իրականացվեն համաձայն գործող շինարարական կանոնակարգերի, պետական ստանդարտների, տեխնիկական շահագործման կանոնների, առողջության, անվտանգության, սանիտարական կանոնների և այլ նորմատիվ փաստաթղթերին համապատասխան:

Մասնակից կազմակերպությունը որակական չափանիշները`

• Շինարարական աշխատանքների իրականացման լիցենզիա,
• Մասնագիտական գիտելիքներ,
• 3 տարվա աշխատանքային փորձ տվյալ ոլորտում,
• Կատարված վերջին 3 աշխատանքի ներկայացում:

Ավարտված շինարարական աշխատանքների հանձնման-ընդունման ԱԿՏ-ի մակագրման պահից մասնակից կազմակերպությունը պետք է երաշխավորի և շահագործման ընթացքում ապահովի ոչ պակաս 12 ամիս կատարված աշխատանքների որակական հատկանիշները:

Մրցույթին մասնակցելու ցանկություն ունեցող կազմակերպությունները կարող են մրցութային հայտերը ներկայացնել Բանկի գլխամասային գրասենյակ` ք.Երևան, Չարենցի փ, 12, թիվ 53, 1-5 հասցեով: Մրցութային հայտերը կարող են ներկայացվել առձեռն (աշխատանքային օրերին` ժամը 9.00-ից մինչև 17.00-ն) կամ ուղարկվել պատվիրված նամակով: Հայտերն ընդունվում են մինչև 2024թ.-ի օգոստոսի 26-ը` ժամը 17:00-ն:

Մրցույթում հաղթող կազմակերպությունների հետ կկնքվեն համապատասխան պայմանագրեր:

Մրցույթի անցկացման պայմանները

Մրցույթին մասնակցել ցանկացող կազմակերպությունները մրցույթի մասին հրապարակային ծանուցման պահանջներին համապատասխան Բանկ են ներկայացնում մրցույթի հայտերը։ Հայտերը ներառում են հետևյալ տեղեկություններն ու փաստաթղթերը.

ա) Մրցույթի մասնակցի անվանումը, գտնվելու վայրը, հեռախոսահամարները, պետական գրանցման վկայականի պատճենը,

բ) Ավարտված 3 նախագծի ներկայացում,

գ) Բանկի հայեցողությամբ այլ անհրաժեշտ տեղեկություններ և փաստաթղթեր, որոնք կհաստատեն կատարվելիք աշխատանքների որակը,

դ) Կատարվելիք աշխատանքների առաջարկվող գինը, երաշխիքային ժամկետները:

ե) Մրցույթում հաղթող կազմակերպությունը պարտավոր է Յունիբանկ ԲԲԸ ունենալ, կամ բացակայության դեպքում բացել սեփական հաշվեհամարը:

Մրցույթի հայտերը ներկայացվում են սոսնձված, կնքված և ստորագրված ծրարով: Ծրարում ներառված փաստաթղթերը պետք է կազմված լինեն բնօրինակից և կրկնօրինակից, որոնց վրա համապատասխանաբար գրվում են բնօրինակ և կրկնօրինակ բառերը: Միաժամանակ ծրարի վրա պետք է կատարվեն՝ մրցույթի մասին հրապարակային ծանուցման մեջ նշված մրցույթի հայտի ներկայացման վայրի /հասցեի/ և չբացել մինչև մրցույթի հայտերի բացման նիստը գրառումները:

Մրցույթի մասնակիցները, մինչև հայտերը ներկայացնելու վերջնական ժամկետի ավարտը, կարող են փոփոխել կամ հետ վերցնել հայտերը: Հայտի փոփոխությունը ներկայացվում է սոսնձված, կնքված և ստորագրված ծրարով` ծրարի վրա ավելացնելով «փոփոխում» բառը:

Մրցույթի արդյունքների մասին արձանագրության ձևակերպումից հետո տասնհինգ աշխատանքային օրվա ընթացքում Բանկի և մրցույթում հաղթող ճանաչված մասնակիցների միջև կնքվում է պայմանագրեր:

Հարցերի դեպքում դիմել Հայկ Նալբանդյանին` զանգահարելով (+374)41 044 001 կամ (+374)43 01 47 23 հեռախոսահամարներով:

Տենդերի անցկացման և արդյունքների վերաբերյալ հարցերի դեպքում դիմել Նարե Ազատյանին` (+374) 10 59 22 59 (ներ. 377) հեռախոսահամարով: