Մրցույթի հայտարարություններ
Մրցույթի հայտարարություններ
ՅՈՒՆԻԲԱՆԿԲԲԸ- ն (այսուհետ` Բանկ) Բանկի խնդրահարույց հարկադիր կատարման փուլում գտնվող անգրավ սպառողական վարկերի հետբերում իրականացնող կազմակերպության ընտրության նպատակով ս.թ. ապրիլի 22-ից հայտարարում է մրցույթ:
Լոտ 1
|
№ |
Պորտֆել |
Քանակ |
|
1 |
հարկադիր կատարման փուլում գտնվող, 500 օր և ավելի ժամկետանց անգրավ սպառողական վարկերի 12,5 մլրդ ՀՀ դրամ ծավալով պորտֆել |
առավելագույնը 34.000 հատ |
Մասնակիցների որակավորման չափանիշները
Մրցույթին մասնակից կազմակերպությունները պետք է համապատասխանեն հետևյալ որակավորման չափանիշին`
1. Մասնակից կազմակերպությունը պետք է ունենա առնվազն երեք տարվա գործունեության փորձ տվյալ ոլորտում:
Մրցույթին մասնակցելու ցանկություն ունեցող կազմակերպությունները կարող են մրցութային հայտերը ներկայացնել Բանկի գլխամասային գրասենյակ` ք.Երևան, Չարենցի փ., 12, թիվ 53, 1-5:
Մրցութային հայտերը կարող են ներկայացվել առձեռն (աշխատանքային օրերին` ժամը 9.00-ից մինչև 17.00-ն) կամ ուղարկել պատվիրված նամակով: Հայտերն ընդունվում են մինչև ս.թ. մայիսի 8-ը ժամը 17:00 ներառյալ:
Մրցույթում հաղթող կազմակերպությունների հետ կկնքվեն համապատասխան պայմանագրեր (հաղթող կարող են ճանաչվել 1-ից ավելի կազմակերպություններ):
Մրցույթի անցկացման պայմանները
Մրցույթին մասնակցել ցանկացող կազմակերպությունները մրցույթի մասին հրապարակային ծանուցման պահանջներին համապատասխան Բանկ են ներկայացնում մրցույթի հայտերը։
Հայտերը ներառում են հետևյալ տեղեկություններն ու փաստաթղթերը.
- մրցույթի մասնակցի կանոնադրության և պետական գրանցման վկայականի պատճենը` վավերացված ընկերության կնիքով, պետ. ռեգիստրից քաղվածք, հեռախոսահամարներ,
- նշված ոլորտում ընկերության ձեռքբերումները, աշխատանքային փորձը խոշոր կազմակերպությունների, այդ թվում` բանկերի կամ վարկային կազմակերպությունների հետ,
- աշխատակիցների քանակը,
- հետբերման աշխատանքների նկարագրությունը,
- մատուցվող ծառայությունների արժեքը` ներառյալ հարկերը, և վճարման կարգը,
- տեղեկանք ՀՀ կառավարությանն առընթեր հարկային պետական ծառայությունից,
- Բանկի հայեցողությամբ այլ անհրաժեշտ տեղեկություններ և փաստաթղթեր, որոնք կհաստատեն կատարվելիք աշխատանքների որակը:
Մրցույթում հաղթող կազմակերպությունը պարտավոր է Յունիբանկ ԲԲԸ ունենալ, կամ բացակայության դեպքում բացել սեփական հաշվեհամարը
Մրցույթի հայտերը ներկայացվում են սոսնձված, կնքված և ստորագրված ծրարով: Ծրարում ներառված փաստաթղթերը պետք է կազմված լինեն բնօրինակից և կրկնօրինակից, որոնց վրա համապատասխանաբար գրվում են «բնօրինակ» և «կրկնօրինակ» բառերը: Միաժամանակ ծրարի վրա պետք է կատարվեն՝ մրցույթի մասին հրապարակային ծանուցման մեջ նշված մրցույթի հայտի ներկայացման վայրի /հասցեի/ և «չբացել մինչև մրցույթի հայտերի բացման նիստը» գրառումները:
Մրցույթի մասնակիցները, մինչև հայտերը ներկայացնելու վերջնական ժամկետի ավարտը, կարող են փոփոխել կամ հետ վերցնել հայտերը: Հայտի փոփոխությունը ներկայացվում է սոսնձված, կնքված և ստորագրված ծրարով` ծրարի վրա ավելացնելով «փոփոխում» բառը:
Մրցույթի արդյունքների մասին արձանագրության ձևակերպումից և ՀՀ ԿԲ կողմից պատվիրակման գործառույթի վերաբերյալ նախնական համաձայնություն ստանալուց հետո 15 /տասնհինգ/ աշխատանքային օրվա ընթացքում Բանկի և մրցույթում հաղթող ճանաչված մասնակիցների միջև կնքվում են համապատասխան պայմանագրեր:
Հարցերի դեպքում դիմել Լուսինե Եղիազարյանին` զանգահարելով (+374)10 59 22 59 (ներքին՝ 158) հեռախոսահամարով:
Տենդերի անցկացման և արդյունքների վերաբերյալ հարցերի դեպքում դիմել Նարե Ազատյանին` (+374) 10 59 22 59 (ներքին՝ 377) հեռախոսահամարով: