2008թ-ին Հայաստանում «Յունիստրիմ» համակարգի շրջանառությունը կազմել է 802 մլն ԱՄՆ դոլար:
13.01.2009
2008թ-ին Հայաստանում «Յունիստրիմ»Unistream դրամական փոխանցումների համակարգն ապահովել է 802 մլն ԱՄՆ դոլարի շրջանառություն` 22%-ով գերազանցելով նախորդ տարվա ցուցանիշը (դեպի Հայաստան և հանրապետությունից կատարված դրամական փոխանցումները 2007թ-ին կազմում էին $658 մլն ԱՄՆ դոլար): Այս մասին ԱրմԻնֆո-ի թղթակցին է հաղորդել «Յունիբանկ»-ի դրամական փոխանցումների համակարգերի սպասարկման գծով տնօրեն Նատալյա Տեր-Գևորգյանը: Նրա խոսքերով, «Յունիստրիմ» համակարգով Հայաստան կատարված փոխանցումերի առյուծի բաժինը` ավելի քան 87%-ը, բաժին է ընկել է Ռուսաստանին: Դրամական փոխանցումների ընդհանուր ծավալում 48%-ն իրականացվել է ԱՄՆ դոլարով, 43%-ը` ռուսական ռուբլով, 5%-ը` ՀՀ դրամով եւ 4%-ը` եվրոյով: Ընդ որում, մեկ փոխանցման միջին չափը կազմել է 1.5 հազ ԱՄՆ դոլար: «Յունիստրիմ» համակարգով մեկ փոխանցման վճարը միջինը կազմում է 1,1%, փոխանցման արագությունը` սկսած 10 րոպեից: «Յունիստրիմ» համակարգը գործում է աշխարհի 90 երկրներում:
Վերադառնալ ցանկին
Ծանոթացեք նաեվ