Փոխարժեքը շուտով կկայունանա 365-367 դրամի մակարդակում, կարծում է Յունիբանկի ղեկավարը
19.03.2009
Դոլարի փոխարժեքն առաջիկայում կկայունանա 365-367 դրամի մակարդակում, հայտարարել է Յունիբանկի Վարչության նախագահ Վարդան Աթայանը` պատասխանելով ՄԵԴԻԱԱՄՔՍ-ի հարցին: «Լուրերն այն մասին, թե փոխարժեքը շուտով կազմելու է ավելի քան 400 դրամ, տարածվում են հիմնականում տարադրամի փոխանակման կետերի կողմից եւ չեն համապատասխանում իրականությանը»- ասել է Վարդան Աթայանը: Պատասխանելով պարտատոմսեր թողարկելու` բանկի մտադրության վերաբերյալ ՄԵԴԻԱՄԱՔՍ գործակալության հարցին` Վարդան Աթայանն ասել է, որ «այժմ, երբ շուկայում դեռեւս սպասումներ ու խուճապային տրամադրություններ կան, ակնհայտ է, որ քաղաքացիները չեն համաձայնի ներդրումներ կատարել դրամային ակտիվներում»: Վարդան Աթայանն ընդգծել է, որ «Յունիբանկը» պարտատոմսեր կթողարկի փոխարժեքի կայունացումից հետո:
Վերադառնալ ցանկին
Ծանոթացեք նաեվ