ՀԱՅՏԱՐԱՐՈՒԹՅՈՒՆ ՀՐԱՊԱՐԱԿԱՅԻՆ

ԱՌԱՋԱՐԿԻ ՄԱՍԻՆ

Թողարկողի անվանումը` «Յունիբանկ» բաց բաժնետիրական ընկերություն:

Հրապարակային առաջարկի նախատեսվող ժամանակահատվածը

Բաժնետոմսերի հրապարակային առաջարկը մեկնարկում է բաժնետոմսերի ազդագրի գրանցումից հետո՝ Ազդագրի հրապարակման օրվան հաջորդող չորրորդ օրը և տևում է մինչև 2015 թ. դեկտեմբերի 17-ը ներառյալ:

Տեղաբաշխումն իրականացվում է իրար հաջորդող 5 (հինգ) աշխատանքային օրերի ընթացքում բաժնետոմսերի առաջարկի մեկնարկից հետո՝ սկսած այն օրվանից, երբ Բանկի գնահատմամբ գնորդների քանակը կարող է բավարար լինել տեղաբաշխումը կատարելու համար կամ 2015թ. դեկտեմբերի 18-ից մինչև 2015թ. դեկտեմբերի 24-ը ժամանակահատվածում` աշխատանքային օրերին՝ երկու օրերը ներառյալ: Տեղաբաշխումը սկսելու հստակ օրը կհրապարակվի Բանկի կայքում տեղաբաշխման օրվանից առնվազն 5 աշխատանքային օր առաջ: Մինչև նշված ժամկետը բաժնետոմսերի ամբողջ ծավալի բաժանորդագրության դեպքում Բանկը դադարեցնում է բաժանորդագրության գործընթացը:

Ազդագիրը հրապարակվել է «Յունիբանկ» ԲԲԸ-ի կայքում 14.07.2015թ.-ին, ազդագրի առաջին լրացումը` 04.09.2015թ.-ին, երկրորդը` 10.11.2015 թ.-ին:

Ներդրողը կարող է ձեռք բերել Ազդագիրը և Ազդագրին կից ներկայացվող փաստաթղթերը թղթային տարբերակով «Յունիբանկ» ԲԲԸ-ի գլխամասային գրասենյակում (ք.Երևան, Չարենցի 12, թիվ 53, 1-5) և մասնաճյուղերում (հասցեները տես բանկի ինտերնետային կայքում` www.unibank.am), իսկ էլեկտրոնային պատճենը` «Յունիբանկ» ԲԲԸ-ի ինտերնետային կայքում` www.unibank.am:

Ազդագիրը ՀՀ Կենտրոնական բանկի կողմից գրանցվել է 09.07.2015թ.-ին ՀՀ ԿԲ թիվ 1/555Ա որոշման համաձայն (ուժի մեջ է մտել 10.07.2015թ-ից):

Ազդագրի առաջին լրացումը ՀՀ Կենտրոնական բանկի կողմից գրանցվել է 02.09.2015թ.-ին ՀՀ ԿԲ թիվ 1/673Ա որոշման համաձայն (ուժի մեջ է մտել 03.09.2015թ-ից):

Ազդագրի երկրորդ լրացումը ՀՀ Կենտրոնական բանկի կողմից գրանցվել է 04.11.2015թ.-ին ՀՀ ԿԲ թիվ 1/828Ա որոշման համաձայն (ուժի մեջ է մտել 05.11.2015թ-ից):

Տեսնել «Հայաստանի Հանրապետություն» թերթում հրապարակված հայտարությունը