Հաշվի առնելով Հայաստանի Հանրապետությունում կորոնավիրուսով պայմանավորված արտակարգ իրավիճակը՝ «Յունիբանկ» ԲԲԸ-ն արդեն իսկ որոշում էր կայացրել վարկառուների համար մինչև 2020թ-ի ապրիլի 14-ը սահմանել վարկերի մարման ազատ գրաֆիկ, առանց ժամկետանցների դասակարգման, տույժերի և տուգանքների կիրառման:

Ղեկավարվելով համաճարակի երկարաժամկետ հետևանքները մեր հաճախորդների համար հարթելու մղումով` Բանկի կողմից կայացվել է որոշում երկարաձգել վարկերի մարման ազատ գրաֆիկի ժամկետը մինչև սույն թվականի մայիսի 31-ը, որից հետո իր հաճախորդների վարկերի մարման ժամանակացույցերում կատարել հետևյալ փոփոխությունները`

• ֆիզիկական անձանց տրամադրված անգրավ սպառողական վարկերի մարման վերջնաժամկետը կերկարաձգվի վեց ամսով և 2020թ. մարտի 16-ից մինչև մայիսի 31-ն ընկած ժամանակահատվածում գրաֆիկով սահմանված մարման ենթակա մայր գումարների և տոկոսների մարումները համամասնորեն կբաշխվեն վարկի մնացորդային ժամկետի վրա: Այս վարկերի համար հերթական առաջին մարման օր է համարվելու հունիս ամսվա նույն ամսաթիվը, որը սահմանված էր գործող գրաֆիկով, օրինակ` մարտի 20-ին մարում ունեցող հաճախորդի առաջին մարումը կլինի հունիսի 20-ին:

Այս առաջարկը համարվում է հանրային օֆերտա, և այն հաճախորդները, ովքեր 2020թ. մայիսի 31-ից հետո վերը նշված կարգով կկատարեն առաջին վճարումը, կհամարվեն նշված պայմաններին համաձայնություն տված: Բոլոր այն հաճախորդներին, ովքեր չեն ցանկանում օգտվել ընձեռնած հնարավորությունից, խնդրում ենք հրաժարման մասին տեղեկացնել Բանկին գրավոր դիմումի տեսքով:

• Իրավաբանական անձանց և անհատ ձեռնարկատերերին, ինչպես նաև ֆիզիկական անձանց տրամադրված գրավով ապահովված վարկերի մարման վերջնաժամկետը կերկարաձգվի վեց ամսով և 2020թ. մարտի 16-ից մինչև մայիսի 31-ն ընկած ժամանակահատվածում գրաֆիկով սահմանված մարման ենթակա մայր գումարների և տոկոսների մարումները համամասնորեն կբաշխվեն վարկի մնացորդային ժամկետի վրա: Բանկի կողմից ընձեռնած սույն հնարավորությունից օգտվել ցանկացող հաճախորդներին խնդրում ենք ներկայացնել գրավոր դիմում սկսած 2020թ. մայիսի 1-ից` համապատասխան համաձայնագիր կնքելու նպատակով:

Տեղեկատու կենտրոն՝ +374 10 59 55 55