Վարկի նպատակը

Սահմանամերձ և առանձին բնակավայրերում անհատական բնակելի տուն կառուցելու / կառուցապատումը շարունակելու նպատակով

Վարկառուի նկատմամբ պահանջները

• Քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ անչափահաս երեխա և Հայաստանի Հանրապետության քաղաքացիություն ունեցող ամուսիններ* կամ

• Քաղաքացիական կացության ակտերի գրանցման մարմիններում գրանցված ամուսնության մեջ գտնվող, անչափահաս երեխա չունեցող և Հայաստանի Հանրապետության քաղաքացիություն ունեցող ամուսիններ*, որոնց տարիքների հանրագումարը չի գերազանցում 75-ը (ներառյալ), կամ

• առնվազն մեկ անչափահաս երեխա և Հայաստանի Հանրապետության քաղաքացիություն ունեցող միայնակ ծնող՝ այրի կամ քաղաքացիական կացության ակտերի գրանցման մարմիններում գրանցված ամուսնության մեջ չգտնվող կին,

• առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 10 տարին չլրացած երեխա և Հայաստանի Հանրապետության քաղաքացիություն ունեցող ամուսիններ* կամ քաղաքացիական կացության ակտերի գրանցման մարմիններում գրանցված ամուսնության մեջ չգտնվող կին, որոնք ծրագրին դիմելու օրվա դրությամբ նախորդ 1 տարվա ընթացքում հաշվառված չեն եղել Երևան քաղաքում,

• առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 10 տարին չլրացած երեխա և Հայաստանի Հանրապետության քաղաքացիություն ունեցող ամուսիններ* կամ քաղաքացիական կացության ակտերի գրանցման մարմիններում գրանցված ամուսնության մեջ չգտնվող կին, որոնցից առնվազն մեկն ուսուցչի պահանջները բավարարող անձ է:

* (ամուսիններից առնվազն մեկը) ծրագրին դիմելու օրվա դրությամբ նախորդ 1 տարվա ընթացքում պետք է հաշվառված լինեն տվյալ բնակավայրում:

Շահառուները ծրագրին դիմելու օրվա դրությամբ նախորդ 1 տարվա ընթացքում չպետք է ունենան անձնական կամ ընդհանուր համատեղ կամ ընդհանուր բաժնային սեփականության իրավունքով (50 տոկոս և ավելի մասնաբաժնով) պատկանող բնակելի անշարժ գույք Երևան քաղաքում կամ «Գույքի նկատմամբ իրավունքների պետականգրանցման մասին» օրենքով սահմանված կարգով գրանցված գնման իրավունք Երևան քաղաքում

Սահմանամերձ բնակավայր

Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշման N 1 հավելվածով հաստատված` «Սոցիալական աջակցություն ստացող սահմանամերձ համայնքների բնակավայրերի ցանկում» ընդգրկված գյուղական բնակավայր.

Առանձին բնակավայր

• Վայոց ձորի մարզի Վայք համայնքի Գոմք և Չիվա,

• Արագածոտնի մարզի Լուսակն, Հացաշեն, Սորիկ,

• Գեղարքունիքի մարզի Ավազան, Արփունք, Լեռնահովիտ,

• Տավուշի մարզի Աճարկուտ,

• Լոռու մարզի Հագվի, Ամոջ,Մեդովկա,

• Սյունիքի մարզի Գորայք, Ծղուկ, Իշխանասար, Շաքի բնակավայրեր

Վարկի արժույթը

ՀՀ դրամ

Վարկի ժամկետը

120 ամիս

Վարկի առավելագույն գումարը

2,000,000 – 21,000,000 ՀՀ դրամ

Տարեկան անվանական տոկոսադրույք

13%

Տարեկան փաստացի տոկոսադրույք

0.01% - 0.15%

Վարկի տրամադրման միջնորդավճար

-

Պարտադիր վճարման ենթակա վճարներ

-

Վարկի տրամադրման կարգը

Անկանխիկ՝ փուլային եղանակով` համաձայն պետական աջակցության ծրագրի

Վարկի մարման կարգը

Ամենամսյա անուիտետային մարումներ

ՎաղաԺամկետ մարման հնարավորությունը

Թույլատրվում է առանց տույժերի

Աջակցության սահմանաչափեր

• Աջակցության չափը կազմում է հիփոթեքային վարկով անհատական բնակելի տուն կառուցելու (կառուցապատումը շարունակելու) դեպքում հիփոթեքային վարկի մայր գումարի ամսական վճարների մարման համար՝ հանրագումարային մինչև 16.0 մլն դրամ, բայց ոչ ավելի, քան ամսական 277.0 հազ. դրամ, իսկ տոկոսագումարների մարման համար՝ մինչև 13%, հանրագումարային մինչև 12.668 մլն դրամ, բայց ոչ ավելի, քան ամսական 203.0 հազ. դրամ,
• Տավուշի մարզի Բաղանիս, Բերքաբեր, Կիրանց և Ոսկեպար բնակավայրերում անհատական բնակելի տուն կառուցելու (կառուցապատումը շարունակելու) նպատակով տրամադրվող հիփոթեքային վարկերի դեպքում աջակցության չափը հիփոթեքային վարկի մայր գումարի ամսական վճարների մարման համար կազմում է հանրագումարային մինչև 21.0 մլն դրամ, բայց ոչ ավելի, քան ամսական 366.0 հազ դրամ, իսկ տոկոսագումարների մարման համար հաստատուն տոկոսադրույքով վարկավորման դեպքում՝ մինչև 13%, հանրագումարային մինչև 16.626 մլն դրամ, բայց ոչ ավելի, քան ամսական 266.0 հազ դրամ: Տվյալ սահամանաչաձը կգործի, եթե շահառու հանդիսացող ամուսիններից որևէ մեկն ունի բացառապես նշված բնակավայրի հաշվառում վերջին 1 տարվա կտրվածքով:

Տույժեր

Ժամկետանց վարկ

երկու և ավելի հաջորդող աշխատանքային օր ժամկետանցի դեպքում ժամկետանց գումարի 2%-ի չափով միանվագ տույժ

Ժամկետանց տոկոս

երկու և ավելի հաջորդող աշխատանքային օր ժամկետանցի դեպքում ժամկետանց տոկոսի 2%-ի չափով միանվագ տույժ

Ապահովվածություն

Գրավ

Կառուցապատվող գույքը

Գրավի նկատմամբ պահանջներ

Սահմանամերձ և Առանձին բնակավայրերում ընդգրկված գույք

Ձեռքբերվող գույքը գնահատվում է Բանկի հետ համագործակցող ընկերություններից որևէ մեկի կողմից /ցանկը տես այստեղ/ :

Օժանդակ ծառայություններից օգտվելու գնային միջակայքը հետևյալն է`

• գույքի գնահատում` 15.000 ՀՀ դրամ

Այլ ծախսեր*

• նոտարական ծառայությունների վճար` 15 000- 20 000, ներառյալ ամուսնության վերաբերյալ հայտարարությունների համաձայնագրերը
• գույքի պետական գրանցման վճար` 72 400 ՀՀ դրամ

*Չեն ներառվում փաստացի տոկոսադրույքի հաշվարկի մեջ:

Վարկ հարաբերած գրավի արժեք

-

Գրավի գնահատում

Պարտադիր, լիցենզավորված անկախ գնահատող կազմակերպության կողմից: Իրականացվում է վարկառուի միջոցներով:

Ապահովագրություն

Չի պահանջվում

Վարկունակության գնահատում

Վարկառուն և գրավատուն, հայտի ներկայացման օրվա դրությամբ չպետք է ունենան գործող ժամկետանց և ստանդարտ դասից ավելի խիստ դասով դասակարգված պարտավորություններ

Այլ պայմաններ

Շահառուի կարգավիճակ շնորհվում է՝ ծրագրի պայմաններին և պահանջներին համապատասխանությունը ստուգելու, ինչպես նաև քաղաքացիական կացության ակտերի գրանցման մարմիններից ինքնաշխատ եղանակով շահառու ամուսինների ամուսնության պետական գրանցման, երեխաների առկայության դեպքում՝ երեխա-ծնող կապի, միայնակ ծնողի դեպքում՝ մյուս ծնողի մահվան վերաբերյալ տեղեկատվությունը 10 աշխատանքային օրվա ընթացքում ստանալու արդյունքում։
ՀՀ կառավարության 19.03.2026թ. N 307-Լ որոշման 3-րդ կետի համաձայն շահառուների թվի հավելումը տարածվում է բացառապես.

1) 2025 թվականի մայիսի 1-ի դրությամբ սահմանամերձ գյուղական բնակավայրերում անհատական բնակելի տուն կառուցելու նպատակով շինարարության թույլտվություն ստացած կամ այդ նույն նպատակով 2024 թվականի հունվարի 1-ից մինչև 2025 թվականի մայիսի 1-ն ընկած ժամանակահատվածում հողամաս ձեռք բերած (ամուսիններից առնվազն մեկի անվամբ անշարժ գույքի նկատմամբ իրավունքների պետական գրանցումն
իրականացրած) շահառուների վրա.

2) Տավուշի մարզի Այգեձոր, Այգեպար, Արծվաբերդ, Մովսես, Չինարի, Չորաթան, Պառավաքար, Վերին կարմիր աղբյուր, Բարեկամավան, Ոսկեվան, Ազատամուտ, Կայան, Վազաշեն, Սյունիքի մարզի Բարձրավան, Խնձորեսկ, Շուռնուխ, Որոտան, Բարգուշատ, Գեղանուշ, Գոմարան, Դավիթ Բեկ, Դիցմայրի, Եղվարդ, Խդրանց, Ծավ, Կաղնուտ, Ճակատեն, Ներքին Հանդ, Շիկահող, Սզնակ, Սյունիք, Սրաշեն, Վարդավանք, Ուժանիս, Խոտ, Արավուս, Խնածախ, Խոզնավար, Կոռնիձոր, Վաղատուր, Տեղ, Քարաշեն, Արարատի մարզի Տիգրանաշեն, Գեղարքունիքի մարզի Վահան, Ներքին Շորժա, Նորաբակ, Վերին Շորժա, Վայոց ձորի մարզի Բարձրունի, Խնձորուտ բնակավայրերում անհատական բնակելի տուն կառուցելու (կառուցապատումը շարունակելու) նպատակով դիմած շահառուների վրա։ Ընդ որում, այս դեպքում Հայաստանի Հանրապետության կառավարության 2022 թվականի հունիսի 9-ի N 842-Լ որոշման (այսուհետ՝ որոշում) հավելվածի 3-րդ կետի 2-րդ ենթակետի «ա», «բ» կամ «գ» պարբերություններով սահմանված պայմաններից բացի, ծրագրի շահառուները (ամուսիններից առնվազն մեկը) ծրագրին դիմելու օրվա դրությամբ նախորդ 1 տարվա ընթացքում պետք է հաշվառված լինեն տվյալ բնակավայրում.

3) Արագածոտնի մարզի Լուսակն, Հացաշեն, Սորիկ, Գեղարքունիքի մարզի Ավազան, Արփունք, Լեռնահովիտ, Վայոց ձորի մարզի Գոմք, Չիվա, Տավուշի մարզի Կիրանց, Աճարկուտ, Դովեղ, Լոռու մարզի Հագվի, Ամոջ, Մեդովկա, Սյունիքի մարզի Գորայք, Ծղուկ, Իշխանասար, Շաքի բնակավայրերում անհատական բնակելի տուն կառուցելու (կառուցապատումը շարունակելու) նպատակով դիմած շահառուների վրա։ Ընդ որում, այս դեպքում որոշման հավելվածի 3-րդ կետի 2-րդ ենթակետի «դ» պարբերությամբ սահմանված պայմաններից բացի, շահառուները ծրագրին դիմելու օրվա դրությամբ նախորդ 1 տարվա ընթացքում չպետք է ունենան անձնական կամ ընդհանուր համատեղ կամ ընդհանուր բաժնային սեփականության իրավունքով (50 տոկոս և ավելի մասնաբաժնով) պատկանող բնակելի անշարժ գույք Երևան քաղաքում կամ «Գույքի նկատմամբ իրավունքների պետական գրանցման մասին» օրենքով սահմանված կարգով գրանցված գնման իրավունք Երևան քաղաքում։

Եթե շահառուի կարգավիճակ ստանալուց հետո առավելագույնը 3 ամսվա ընթացքում չի կնքվում հիփոթեքային վարկի պայմանագիր, ապա շահառուի կարգավիճակն ինքնաշխատ եղանակով չեղարկվում է:

Բանկի կողմից փաստացի տրամադրված գումարները շահառուի կողմից փոխհամաձայնեցված եղանակով կամ դատական կարգով ենթակա են վերադարձման պետությանը հետևյալ դեպքերում ՝

• Հիփոթեքային վարկի գործողության ընթացքում շահառուի (վարկառուի) մահվան դեպքում, եթե շահառուի ժառանգը շահառուի ամուսինը կամ երեխան չէ:

• Բանկի հետ վարկային պայմանագրի կնքման օրվանից 3 տարվա ընթացքում շահառուի կողմից Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ սահմանված ավարտական ակտը Բանկ չներկայացվելու դեպքում։»:

• Համաձայն աջակցության ծրագրի՝ փուլային տրամադրման ընթացակարգը խախտելու դեպքում:

Սույն ծրագրով նախատեսված աջակցությունն ամբողջությամբ դադարում է հետևյալ դեպքերում

• հիփոթեքային վարկի ամբողջական մարման դեպքում,

• հիփոթեքային վարկի գործողության ընթացքում գույքի նկատմամբ սեփականության իրավունքն այլ անձանց անունով գրանցելու դեպքում (անկախ բաժնեմասի չափից),

• հիփոթեքային վարկի գործողության ընթացքում տվյալ վարկի գծով 90 օրվանից ավելի ժամկետանց պարտավորությունների առկայության դեպքում,

• պետության կողմից կատարված ամենամսյա մարումների հանրագումարային արժեքի սահմանված չափը լրանալու դեպքում:

Սպառողի համար վարկի հասանելիությունը սահմանափակող այլ պայմաններ չկան: Վարկը ձևակերպվում է բանկում` մասնաճյուղերում:

Պայմանագրի գործողության ընթացքում քաղվածքների, դրանց կրկնօրինակների, տեղեկանքների և այլ տեղեկությունների տրամադրման սակագները տես «Սակագներ» բաժնում: