«Յունիբանկ«-ը վերանայել եւ էապես բարելավել է ավտովարկավորման իր պայմանները: Ինչպես հայտնեց «Յունիբանկ»-ի ավտովարկավորման գծով տնօրեն Դավիթ Մակարտիչանը, նոր ավտոմեքենաների ձեռքբերման համար տրամադրվող վարկերի կանխավճարը նվազեցվել է մինչեւ 8 տոկոսի` նախկին 15 դիմաց: Երկարաձգվել է նաեւ վարկի տրամադրման առավելագույն ժամկետը` 6-ից դառնալով 7 տարի: Վարկերի տրամադրման տարեկան տոկոսադրույքը կազմում է 16 տոկոս, իսկ վարկի առավելագույն գումարը` մինչեւ 50 մլն դրամ: Դավիթ Մակարտիչանի խոսքերով, այս տարվա մարտի 31-ի դրությամբ «Յունիբանկ»-ի ավտովարկավորման ծավալները կազմել է մոտ 1,7 մլրդ դրամ` գերազանցելով նախորդ տարվա համապատասխան ցուցանիշը գրեթե 3 անգամ: Այդպիսով, «Յունիբանկ»-ն ավտովարկավորման գծով առաջատար դիրք է զբաղեցրել ՀՀ բանկային համակարգում: «Բանկի ավտովարկավորման ծավալների հիմնական աճը պայմանավորված է վարկի տրամադրման բավականին մատչելի պայմաններով: Մեզ մոտ վարկավորման ժամանակ լրացուցիչ ծախսեր գրեթե չկան` հաճախորդից պահանջվում է միայն հաշվի սպասարկման միանվագ վճար»: