Նոր տարվա նախաշեմին «Յունիբանկ»-ը «Յունիստրիմ»  դրամական փոխանցումների համակարգից օգտվող հաճախորդներին հանձնեց հուշանվերներ: Բանկից նվերներ ստացան այն բոլոր հաճախորդները, որոնք տարվա ընթացքում ոչ պակաս քան 20 անգամ «Յունիստրիմ» համակարգի միջոցով ստացել կամ ուղարկել են դրամական փոխանցումներ: «Յունիբանկ»-ում ներդրման հենց առաջին տարվանից «Յունիստրիմ» համակարգը բնակչության կողմից մեծ պահանջարկ վայելեց: Ներկայումս համակարգին բաժին է ընկնում դրամական փոխանցումների հայաստանյան շուկայի կեսից ավելին: «Յունիստրիմ»-ի առավելությունները ավելի քան ակնհայտ են`

*       ցածր միջնորդավճար` 1%-ից սկսած, ընդ որում փոխանցում ստացողը ոչ մի ծախս չի կատարում,
*       ձեւակերպման պարզություն` ո’չ դրամական փոխանցում կատարողի եւ ո’չ էլ  ստացողի համար բանկային հաշվի բացում չի պահանջվում,
*       փոխանցման արագություն` դրամական փոխանցումը կատարելուց 10-15 րոպե հետո այն հասանելի է փոխանցումը ստացող կողմի համար:

«Յունիստրիմ» համակարգի միջոցով կարելի է կատարել նաեւ վարկի մարումներ եւ  վճարումներ ներկրվող ապրանքների ու  կոմունալ ծառայությունների դիմաց: Համակարգի հաճախորդները կարող են դրամական փոխանցումների միջոցով համալրել  կուտակային ավանդը կամ բանկային այլ հաշիվները ցանկացած արժույթով, այդ թվում`  ARCA UNISTREAM  քարտի հաշիվը:  «Յունիբանկ»-ը «Յունիստրիմ» համակարգից օգտվող հաճախորդներին հնարավորություն է տալիս նաեւ արտոնյալ պայմաններով ձեւակերպել U-Stream օվերդրաֆտներ:

«Յունիստրիմ» համակարգի ծառայությունների վերաբերյալ առավել մանրամասն տեղեկատվությունը տեղադրված է բանկի կայքում` www.unibank.am: Տեղեկատվություն կարելի է նաեւ ստանալ  զանգահարելով «Յունիբանկ»-ի թեժ հեռախոսակապի կենտրոն` 85-80 հեռախոսահամարով: