Համաշխարհային աստղ IN-GRID-ի համերգը, որը կկայանա ս.թ. հոկտեմբերի 14-ին Ազատության հրապարակում, կբացվի հայ և ատրասահմանյան դիջեյների տպավորիչ շոու-ծրագրով: Պարային ռիթմերը և բոլոր ժանրերում հնչող ակումբային երաժշտությունը համերգը կվերածեն շքեղ տոնական երեկոյի բաց երկնքի տակ:

Իրենց լավագույն կատարումները հայ հանդիսատեսին կներկայացնեն Armenian Music Awards 2009-ի (Լոս Անջելես) “Տարվա լավագույն պարային և էլեկտրոնային ալբոմը” անվանակարգում հաղթող ճանաչված DJ C-rouge, Geometria.ru նախագծի “Տարվա հայտնությունը 2009” անվանակարգի հաղթող DJ Leon Gris, ինչպես նաև ակումբային ճանաչված դիջեյներ Deep Danny և DJ Samwell.

Երեկոյի աստղը կլինի Tu es foutu, Shock, In-Tango մեգահիթերի կատարող` անկրկնելի IN-GRID-ը: Հիշեցնենք, որ համերգը կազմակերպված է “Յունիբանկ” ՓԲԸ-ի կողմից և նվիրված է բանկի հիմնադրման 11-ամյակին:

Հրավիրում ենք բոլորին Ազատության հրապարակ ժամը 19:00-ին: