2015թ.-ի մարտի 12-ին «Յունիբանկ» ՓԲԸ-ի բաժնետիրոջ ընդհանուր արտահերթ ժողովը, համաձայն «Բաժնետիրական ընկերությունների մասին» ՀՀ օրենքի 18-րդ, 23-րդ հոդվածների, ՀՀ Քաղաքացիական օրենսգրքի 63-րդ հոդվածի 1-ին և 3-րդ կետերի, 66-րդ հոդվածի, որոշում է կայացրել «Յունիբանկ» ՓԲԸ-ն վերակազմավորել «Յունիբանկ» բաց բաժնետիրական ընկերության: Բանկի վերակազմավորման արդյունքում մասնակցի փոփոխություն չի կատարվելու և «Յունիբանկ» ՓԲԸ-ի պարտավորություններն իրավահաջորդությամբ անցնելու են «Յունիբանկ» ԲԲԸ-ին:

Բաց բաժնետիրական ընկերության վերակազմավորվելու բանկի որոշումը պայմանավորված է զարգացման որակապես նոր մակարդակ ապահովելու և միջազգային շուկա մուտք գործելու ռազմավարությամբ և համապատասխանում է համաշխարհային տնտեսության միտումներին: Գործընթացը կնպաստի բանկի աշխատանքի թափանցիկության և կորպորատիվ կառավարման մակարդակի բարձրացմանը: