Հարգելի քարտապաններ,

տեղեկացնում ենք, որ Յունիբանկի «Դուք ծախսում եք` մենք գումար ենք նվիրում» ակցիայի պայմաններում, որի շրջանակներում քարտով գործարքներ կատարելիս կուտակվում են բոնուսային միավորներ, 01.01.2017թ. տեղի կունենա փոփոխություն: 2017թ.-ի հունվարի 1-ից եռամսյակը մեկ հաճախորդի քարտային հաշվին կհաշվեգրվի կուտակված միավորներին համարժեք դրամ, եթե կուտակված միավորները գերազանցեն 1500-ը: Միավորների վերաբերյալ տեղեկատվությունը քարտապանները ստանում են անվճար SMS հաղորդագրության միջոցով` յուրաքանչյուր հաջորդող ամսվա առաջին 5 աշխատանքային օրերի ընթացքում:

Հիշեցնենք, որ քարտապաններին բոնուսային միավորներ շնորհվում են են Հայաստանում և արտերկրում Յունիբանկի VISA և ArCa քարտերով միայն անկանխիկ ձևով կատարված գործառնությունների համար (բացառությամբ` վիրտուալ գործարքների): Քարտապանի կողմից վճարված գումարի յուրաքանչյուր 1 000 ՀՀ դրամի դիմաց տրամադրվում է երկու միավոր, որոնց դիմաց կարելի է ստանալ դրամական միջոցներ` 1 միավորը=1 ՀՀ դրամի:

3000 միավոր կուտակած քարտապանների միջև եռամսյակը մեկ անցկացվում է թվով 3 IPhone SE բջջային հեռախոսների խաղարկություն: Հաղթողներն ընտրվում են վիճակահանությամբ` մասնակիցների ցանկից բանկային քարտի համարի պատահական ընտրությամբ:

«Յունիբանկը» մշտապես իրականացնում է իր հաճախորդների լոյալության բարձրացմանն ուղղված ծրագրեր և խթանում է քարտով կատարվող գործարքների ավելացումը` քարտապաններին առաջարկելով շահավետ և պարզ ծրագիր: Այն քարտապանից ոչ մի լրացուցիչ գործողություն չի պահանջում: Պարզապես հաճախորդը կատարում է իր առօրյա վճարումները քարտով, իսկ բանկը հաշվարկում է միավորները և գումար փոխանցում քարտային հաշվին:

«Դուք ծախսում եք` մենք գումար ենք նվիրում» ակցիայի պայմաններին առավել մանրամասն կարող եք ծանոթանալ` այցելելով www.unibank.am կայքի «Բանկային քարտեր» բաժինը:

Տեղեկատու կենտրոն` 59 55 55