16.12.19թ.-ից Յունիբանկի «Ազատություն» մասնաճյուղը կգործի նոր հասցեում
Տեղեկացնում ենք, որ Յունիբանկի «Ազատություն» մասնաճյուղը 16.12.19թ.-ից կտեղափոխվի նոր, հաճախորդների սպասարկման համար ավելի հարմարավետ տարածք: Մասնաճյուղի նոր հասցեն է` ք. Երևան, Ազատության պող., 9 շենք, թիվ 16 տարածք:
«Ազատություն» մասնաճյուղն իրականացնում է ֆիզիկական և իրավաբանական անձանց համալիր բանկային սպասարկում, այդ թվում` ավանդների ընդունում, սպառողական և բիզնես վարկավորում, բանկային քարտերի տրամադրում և սպասարկում, դրամական փոխանցումների իրականացում և կոմունալ վճարումների ընդունում:
Յունիբանկը մշտապես մեծ ուշադրություն է հատկացրել մասնաճյուղային ցանցի ընդլայնմանն ու տարածքների բարելավմանը, հատկապես` ծառայությունների հասանելիության և որակի բարձրացման առումով: Այդպիսով բանկն իրագործում է բանկային ծառայությունները հաճախորդից «մեկ քայլ» հեռավորության վրա մատուցելու իր սկզբունքը` ապահովելով դրանց հասանելիությունը բնակչության առավել մեծ զանգվածի համար:
Յունիբանկի մասնաճյուղերի հասցեների և աշխատաժամերի վերաբերյալ առավել մանրամասն տեղեկատվության համար այցելեք “Մասնաճյուղային ցանց” և “Աշխատանքային ժամեր” էջերը:
Տեղեկատու հեռ.` (+37410) 59 55 55:
Ժողովուրդ թերթ
