Յունիբանկի 12-րդ թողարկման պարտատոմսերը ցուցակվեցին Հայաստանի ֆոնդային բորսայում
Պարտատոմսերի եկամտաբերությունը կազմում է 10,5% տարեկան, մարման ժամկետը՝ 27 ամիս, մեկ պարտատոմսի անվանական արժեքը՝ 10 000 ՀՀ դրամ: Արժեկտրոնային եկամուտը վճարվելու է եռամսյակը մեկ:
Հատկանշական է, որ թողարկման տեղաբաշխման ժամկետը սահմանված էր 2020թ.-ի հոկտեմբերի 5-ը, սակայն պարտատոմսերը ձեռք են բերվել և սպառվել ընդամենը 3 օրում: Պարտատոմսեր ձեռքբերողների մեծամասնությունը անհատ ներդրողներ են, ինչը խոսում է բնակչության ֆինանսական գրագիտության բարձրացման և Յունիբանկի նկատմամբ վստահության մասին:
Պարտատոմսերի հիմնական առավելությունները երաշխավորված բարձր եկամուտն ու իրացվելիությունն է, ինչպես նաև ապահովվածությունը: Եվս կարևոր առավելություն է, որ Հայաստանի Ֆոնդային բորսայում ցուցակված երկու կամ ավելի տարի մարման ժամկետով պարտատոմսերից ստացված եկամուտը հարկման ենթակա չէ:
«Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն, բանկի կողմից թողարկված անվանական պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորված են «Ավանդների հատուցումը երաշխավորող հիմնադրամի» կողմից:
Պարտատոմսերի ծրագրային ազդագիրը և Ազդագրի Լրացումը /գրանցված ՀՀ ԿԲ նախագահի 09.10.2019թ. թիվ 1/741 Ա որոշմամբ/ և թողարկման պայմանները հրապարակված են կայքի «Պարտատոմսեր» էջում:
Յունիբանկը վերահսկվում է ՀՀ Կենտրոնական բանկի կողմից:
Տեղեկատու կենտրոն` 59 55 55