Արարատի մարզում՝ Մխչյան-Հովտաշեն 1 հասցեում, բացվել է Յունիբանկի «Մխչյան» մասնաճյուղը, որը հաճախորդներին կսպասարկի երկարացված ռեժիմով և կաշխատի նաև շաբաթ օրերին:  
Նոր մասնաճյուղի աշխատանքային ժամերն են՝

• երկուշաբթի-ուրբաթ ՝ ժամը 9.30-18.00,
• շաբաթ՝ ժամը 9.30-14.00, կիրակի՝  հանգստյան օր:

«Նորաբաց մասնաճյուղը գտնվում է ԱՐԱՐԱՏ ԱՎՏՈ ՍԻԹԻ ավտոշուկայի տարածքում, որտեղ իրականացվում են ավտոմեքենաների առքուվաճառքի, ինչպես նաև մաքսային ձևակերպումներին առնչվող գործառույթներ: Բնականաբար այստեղ առկա էր բանկային ծառայությունների մատուցման անհրաժեշտություն: Այսուհետ հաճախորդները կարող են բոլոր բանկային գործարքները կատարել մեկ տեղում՝ արագ և հարմար սպասարկվելով մասնաճյուղում»,- նշեց Յունիբանկի Օպերացիոն սպասարկման և տեղեկատվական համակարգերի տնօրեն Արթուր Ապերյանը:  
«Մխչյան» մասնաճյուղն աշխատելու է մեկ պատուհանի սկզբունքով և ֆիզիկական ու իրավաբանական անձանց տրամադրելու է բանկային բոլոր ծառայությունները: Հարմարավետ սպասարկման սրահը հագեցված է հերթերի կառավարման համակարգով, ինչպես նաև վճարային տերմինալով՝  ինքնասպասարկման համար:  

Յունիբանկի մասնաճյուղերի հասցեներին և աշխատաժամերին կարող եք ծանոթանալ «Մասնաճյուղային ցանց» էջում:
 
Յունիբանկը վերահսկվում է ՀՀ Կենտրոնական բանկի կողմից:
Տեղեկատու կենտրոն` +374 10 59 55 55