Այս տարի FINTECH360 միջազգային համաժողովը Երևանում կանցկացվի ապրիլի 27-29-ը: Նախատեսվում է, որ տարբեր երկրներից Հայաստան կժամանեն առաջատար բանկերի, ֆինտեխ և ՏՏ ընկերությունների, ստարտափների, վճարային համակարգերի ավելի քան 500 ղեկավարներ: Մասնակիցները կքննարկեն ֆինանսական ծառայություններում նորարար տեխնոլոգիաների կիրառումը և թվային տնտեսության ապագան:

Յունիբանկը FINTECH360-ի գլխավոր հովանավորն է: Բանկը մշտապես ներդնում է ժամանակակից թվային լուծումներ և աջակցում է ֆինանսական ոլորտի կայուն տեխնոլոգիական զարգացմանն ուղղված նախաձեռնություններին։

FINTECH360-ը միջազգային փորձի փոխանակման և ֆինտեխ էկոհամակարգի զարգացման լավագույն հարթակներից մեկն է: Այն հնարավորություն է տալիս քննարկելու բանկային ծառայությունների թվային զարգացման հիմնական միտումները, հաստատելու նոր ռազմավարական գործընկերություններ և ընդլայնելու մասնագիտական ​​ցանցը: 

Համաժողովի գործարար ծրագիրը ներառում է ֆինանսական ծառայությունների թվային վերափոխման հարցերը, ներառյալ արհեստական ​​բանականության զարգացումը բանկային ոլորտում, արհեստական ​​բանականության գործակալները և բանկային գործընթացների ավտոմատացման բազմագործակալային համակարգերը: Կքննարկվեն նաև կենսաչափական նույնականացումը՝ կենտրոնանալով արհեստական ​​բանականության կիրառման և խարդախության կանխարգելման վրա, ինչպես նաև էլեկտրոնային առևտրի միտումները, տվյալների պաշտպանությունը և անհատականացումը ֆինանսական ծառայություններում, իրական ակտիվների տոկենիզացիան, կրիպտոարժույթների և բլոկչեյն տեխնոլոգիաների ներդրումը։

Համաժողովը տեղի կունենա Seven Visions Resort & Places,The Dvin համալիրում: 

FINTECH360-ի՝ արտերկրից ժամանած մասնակիցները հնարավորություն կունենան նաև ծանոթանալու Հայաստանի հարուստ պատմությանն ու մշակույթին:

Համաժողովի ամբողջական ծրագիրը և գրանցումը հասանելի է fintech360.io կայքում:

Յունիբանկը վերահսկվում է ՀՀ կենտրոնական բանկի կողմից:
Տեղեկատու հեռ.` (+37410) 71 22 22, (+37410) 59 55 55: