Յունիբանկի անժամկետ պարտատոմսերը ցուցակվել են Հայաստանի ֆոնդային բորսայում, ինչը հնարավորություն է տալիս իրականացնել հասցեական առևտուր և կնքել ռեպո գործարքներ։ Բանկը թողարկել էր 6,5 մլրդ ՀՀ դրամ և 9 մլն ԱՄՆ դոլար ընդհանուր ծավալով երեք տրանշ: 

Դրամային թողարկումների արժեկտրոնային եկամտաբերությունն առաջին երեք տարվա համար կազմում է 13.75%, որից հետո այն կհաշվարկվի պետական պարտատոմսերի եկամտաբերության կորի հիման վրա։ Դոլարային պարտատոմսերի եկամտաբերությունը սահմանվել է 8.3%, իսկ առաջին երեք տարիներից հետո այն կհաշվարկվի SOFR տոկոսադրույքի հիման վրա։

Յունիբանկն առաջինն էր Հայաստանում, որ թողարկեց անժամկետ պարտատոմսեր: Նոր գործիքի թողարկումը նշանակալի իրադարձություն էր արժեթղթերի հայաստանյան շուկայի համար։ Անժամկետ պարտատոմսերը հնարավորություն են տալիս երկարաժամկետ հեռանկարում ստանալ կանոնավոր եկամուտ։

Հատկանշական է, որ պարտատոմսերի ամբողջ ծավալը տեղաբաշխվեց հաշված օրերի ընթացքում, ինչը ևս մեկ անգամ հաստատում է առաջարկի գրավչությունը և ներդրողների բարձր վստահությունը Յունիբանկի նկատմամբ:

Բանկը վերահսկվում է ՀՀ Կենտրոնական բանկի կողմից:
Տեղեկատու հեռ.`+374 10 71 22 22, +374 10 59 55 55