Վարկի նպատակը

Առաջնային (անմիջապես կառուցապատողից) և երկրորդային շուկայից բազմաբնակարան բնակելի շենքում բնակարանի կամ կառուցվող շենքից բնակարան գնելու իրավունքի կամ անհատական բնակելի տան ձեռքբերման համար:

Վարկառուի/ համավարկառու(ներ)ի նկատմամբ պահանջները

• Հայաստանի Հանրապետության պաշտպանության նախարարության համակարգի սպայական և ավագ ենթասպայական կազմերի պայմանագրային զինծառայողներ, «Ազգային անվտանգության մարմիններում ծառայության մասին» օրենքի 2-րդ հոդվածի 1-ին և «Հատուկ պետական պաշտպանության ենթակա անձանց անվտանգության ապահովման մասին» օրենքի 16-րդ հոդվածի 1-ին մասերում նշված Հայաստանի Հանրապետության ազգային անվտանգության մարմինների և Հայաստանի Հանրապետության պետական պահպանության մարմնի ծառայողներ, ովքեր ներառված են Հայաստանի Հանրապետության պաշտպանության նախարարության կամ Հայաստանի Հանրապետության ազգային անվտանգության ծառայության կամ Հայաստանի Հանրապետության պետական պահպանության ծառայության ծրագրի մասնակիցների ռեեստրում,
• Որպես համավարկառու կարող են հանդես գալ վարկառուի ամուսինը, զավակը, ծնողը, վարկառուի և (կամ) նրա ամուսնու քույրը և (կամ) եղբայրը, վարկառուի ամուսնու ծնողը,
• Առավելագույն Վ/Ե (վարկերի ամսական հանրագումարային վճարի չափի և միջին ամսական եկամուտի հարաբերակցություն) գործակից` 45%
• Առավելագույն Մ/Ե (դիտարկվող վարկի ամսական մարումների և զուտ եկամուտների հարաբերակցություն) գործակիցՙ 35% : Այս գործակիցը կիրառվում է միայն առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու դեպքում:

Սույն ծրագրի շրջանակներում որպես վարկառու չեն կարող հանդիսանալ`

• Օրենքով սահմանված բնակարանային ապահովության շրջանակներում բնակարանային պայմանների բարելավում ստացած զինծառայողները,
• Ռազմաուսումնական հաստատությունն ավարտած և Հայաստանի Հանրապետության պաշտպանության նախարարության համակարգում կամ Հայաստանի Հանրապետության ազգային անվտանգության ծառայության սահմանապահ զորքերում սպայական պաշտոնի նշանակված և անհատույց օգտագործման իրավունքով բնակարան ստացած սպայական կազմի զինծառայողները:

Սույն ծրագրի շրջանակներում վարկառուն կարող է հիփոթեքային վարկ ստանալ մեկ անգամ:

Անշարժ գույքի նկատմամբ պահանջներ

• Առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելում` սահմանափակում չկա,
• Երկրորդային շուկայից բազմաբնակարան բնակելի շենքում բնակարան կամ բնակելի տուն ձեռք բերելու դեպքում` ձեռքբերման գինը չպետք է գերազանցի 55,000,000 դրամը, ընդ որում, անշարժ գույքի արժեքը սահմանվում է որպես գնահատված և ձեռքբերման արժեքներից նվազագույնը:

Վարկի նվազագույն և առավելագույն գումարը

5,000,000 - 25,650,000 ՀՀ դրամ, սակայն ոչ ավել, քան ձեռք բերվող բնակելի անշարժ գույքի արժեքի 90%-ը

Նվազագույն կանխավճար

• 10%` առաջնային շուկայից (անմիջապես կառուցապատողից) բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու դեպքում,
• 30% (առնվազն 10%լրացուցիչ գրավի դեպքում կամ եթե առկա է հիփոթեքային պարտավորության ապահովագրություն վարկ/գրավ գործակցի 70%-ը գերազանցող գումարի չափով)` երկրորդային շուկայից (ոչ անմիջապես կառուցապատողից) բազմաբնակարան բնակելի շենքում բնակարան կամ բնակելի տուն ձեռք բերելու դեպքում:

Վարկի արժույթ

ՀՀ դրամ

Վարկի նվազագույն և առավելագույն ժամկետը

120 - 180 ամիս

Տարեկան անվանական տոկոսադրույք

• 11%`առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու դեպքում,
• 13%`երկրորդային շուկայից բազմաբնակարան բնակելի շենքում բնակարան կամ բնակելի տուն ձեռք բերելու դեպքում:

Տարեկան փաստացի տոկոսադրույք

6.65% - 8.88%

Տոկոսադրույթի սուբսիդիա

5%

Սուբսիդավորման ենթակա տոկոսավճարի չափը հաշվարկվում է վարկի գումարի նվազող մնացորդի նկատմամբ։

Առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու, վարկառուն իրավունք կունենա պետությունից հետ ստանալու իր վճարած (հարկային գործակալի կողմից պահված) եկամտային հարկը` ծրագրի շրջանակում հիփոթեքային վարկի դիմաց իր կողմից վճարված (պետության կողմից չսուբսիդավորված) տոկոսների չափով` Հայաստանի Հանրապետության օրենսդրությամբ սահմանված կարգով:

Աջակցության չափը

• 2,500,000 դրամ – առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու դեպքում կանխավճարի գծով: Տվյալ դեպքում վարկը տրամադրվում է ձեռք բերվող (կառուցվող) բնակարանի կամ անհատական բնակելի տան արժեքի մինչև 90 տոկոսի չափով:
• 2,500,000 դրամ – երկրորդային շուկայից բազմաբնակարան բնակելի շենքում բնակարան կամ բնակելի տուն ձեռք բերելու դեպքում կանխավճարի գծով: Տվյալ դեպքում տրամադրվող հիփոթեքային վարկի գումարը չի կարող գերազանցել անշարժ գույքի արժեքի 70 տոկոսը:

• Առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու համար ստացված հիփոթեքային վարկը տրամադրվում է «Բնակարան երիտասարդներին» վերաֆինանսավորում իրականացնող վարկային կազմակերպություն ՓԲԸ-ի «Մատչելի բնակարան զինծառայողներին» ծրագրի շրջանակներում և նշված ընկերության վերաֆինանսավորման կարգի համապատասխան,
• Երկրորդային շուկայից բազմաբնակարան բնակելի շենքում բնակարան կամ բնակելի տուն ձեռք բերելու համար ստացված հիփոթեքային վարկը տրամադրվում է «Ազգային Հիփոթեքային Ընկերություն» վերաֆինանսավորում իրականացնող վարկային կազմակերպություն ՓԲԸ-ի Զինծառայողների պետական աջակցության ծրագրի շրջանակներում և նշված ընկերության հիփոթեքային վարկերի վերաֆինանսավորման կարգի համապատասխան:

Վարկի տրամադրման միջնորդավճար

-

Պարտադիր վճարման ենթակա վճարներ

-

Վարկի տրամադրման կարգը

Վարկը տրամադրվում է անկանխիկ եղանակով:

Վարկի մարման կարգը

Ամենամսյա անուիտետային մարումներ:

ՎաղաԺամկետ մարման հնարավորությունը

Թույլատրվում է առանց տույժերի:

Տույժեր

Ժամկետանց վարկ

երկու և ավելի հաջորդող աշխատանքային օր ժամկետանցի դեպքում ժամկետանց գումարի 2%-ի չափով միանվագ տույժ

Ժամկետանց տոկոս

երկու և ավելի հաջորդող աշխատանքային օր ժամկետանցի դեպքում ժամկետանց տոկոսի 2%-ի չափով միանվագ տույժ

Ապահովվածություն

Գրավ

Առաջնային շուկայից բազմաբնակարան բնակելի շենքում կառուցված կամ կառուցվող բնակարան, կամ կառուցվող բնակելի տուն ձեռք բերելու դեպքում `

• Ձեռքբերվող բնակելի անշարժ գույք,
• Կառուցման ընթացքում գտնվող բնակարանի կամ բնակելի տան ձեռքբերման դեպքում` կառուցապատողի հատուկ հաշվին Բանկի կողմից փոխանցված դրամական միջոցներ և անշարժ գույքի ձեռք բերման իրավունքի գրավ՝ մինչև ձեռքբերվող անշարժ գույքի նկատմամբ սեփականության իրավունքի գրանցումը, որից հետո գրավ է հանդիսանում անշարժ գույքը:

Երկրորդային շուկայից բազմաբնակարան բնակելի շենքում բնակարան կամ բնակելի տուն ձեռք բերելու դեպքում՝

• Ձեռքբերվող անշարժ գույքը (10% կանխավճարի դեպքում լրացուցիչ գրավ, եթե առկա չէ հիփոթեքային պարտավորության ապահովագրություն վարկ/գրավ գործակցի 70%-ը գերազանցող գումարի չափով):

Երրորդ անձի երաշխավորություն

Չի հանդիսանում պարտադիր

Նպատակահարմարությունը որոշվում է հայտի հաստատման ընթացքում
Երաշխավորության վերաբերյալ բացատրական տեղեկատվություն

Ձեռքբերվող գույքը գնահատվում է Բանկի հետ համագործակցող ընկերություններից որևէ մեկի կողմից /ցանկը տես այստեղ/ :

Օժանդակ ծառայություններից օգտվելու գնային միջակայքը հետևյալն է`

• Գույքի գնահատում` 15.000 ՀՀ դրամ

Այլ ծախսեր*

• Նոտարական ծառայությունների վճար` 15 000- 20 000, ներառյալ ամուսնության վերաբերյալ հայտարարությունների համաձայնագրերը
• Գույքի պետական գրանցման վճար` 72 400 ՀՀ դրամ

*Չեն ներառվում փաստացի տոկոսադրույքի հաշվարկի մեջ:

Վարկ հարաբերած գրավի արժեք

Առավելագույնը 90%

Գրավի գնահատում

Պարտադիր, լիցենզավորված անկախ գնահատող կազմակերպության կողմից: Առաջնային շուկայից ձեռք բերելու պարագայում կարող է հիմք է ընդունվում կառուցապատող ընկերության կողմից տրամադրված տեղեկանքը:

Իրականացվում է վարկառուի միջոցներով:

Ապահովագրություն

Գույքային

Պարտադիր, ծածկույթը պետք է լինի առնվազն վարկի մնացորդի չափ

Անձնական /դժբախտ պատահարներից/

Պարտադիր, ծածկույթը պետք է լինի առնվազն վարկի մնացորդի չափ

Կանխավճարի

Անշարժ գույքի ձեռքբերման դեպքում, եթե վարկ/գրավ գործակիցը գերազանցում է 70%-ը և առկա չէ լրացուցիչ գույքի գրավ

Սպառողի համար վարկի հասանելիությունը սահմանափակող այլ պայմաններ չկան: Վարկը ձևակերպվում է բանկում` մասնաճյուղերում:

Պայմանագրի գործողության ընթացքում քաղվածքների, դրանց կրկնօրինակների, տեղեկանքների և այլ տեղեկությունների տրամադրման սակագները տես «Սակագներ» բաժնում: