2010թ.-ի հունիսի 3-ին Moody’s միջազգային վարկանիշային գործակալությունը «Յունիբանկ» ՓԲԸ-ին  շնորհել է ֆինանսական կայունության E+ , արտարժույթով և ազգային դրամով ավանդների Ba3 երկարաժամկետ  եւ NP կարճաժամկետ վարկանիշերը: Բոլոր վարկանիշերն ունեն «Կայուն» կանխատեսումը, ինչը վկայում է հայաստանյան  բանկային շուկայում «Յունիբանկ»-ի հաստատուն դիրքի մասին:

Վարկանիշների շնորհումը արտացոլում է «Յունիբանկ»-ի կայուն ֆինանսական վիճակը, զարգացման դրական դինամիկան եւ հաճախորդների զգալի զանգվածը: Moody’s դրական է գնահատել բանկի կապիտալիզացման հուսալի մակարդակը եւ դրամական փոխանցումների շուկայում զբաղեցրած գերակա դիրքը, հատկապես հաշվի առնելով  այն փաստը, որ վերջինիս ծավալը կազմում է Հայաստանի ՀՆԱ-ի 20 տոկոսը: Հիշեցնենք, որ «Յունիստրիմ»-ին բաժին է ընկնում դրամական փոխանցումների շուկայի ավելի քան 50 տոկոսը, ինչը «Յունիբանկ»-ի համար լրացուցիչ հնարավորություններ է ընձեռում մանրածախ բանկային շուկայում: Moody’s գործակալությունը նշել է, որ դրամական փոխանցումների շուկայում «Յունիբանկ»-ի առաջնային դիքրը բանկին լրացուցիչ հնարավորություն է  ընձեռում մեծ ծավալների ավանդների ներգրավման եւ  ծառայությունների խաչաձեւ վաճառքի (cross-selling) համար:  

«Յունիբանկ»-ի դիրքերը ՀՀ բանկային համակարգում 2009թ.-ի արդյունքներով հետեւյալն են` ակտիվներ` 5-րդ տեղը, ֆիզիկական անձանց վարկավորում` 2-րդ տեղը, հիփոթեքային վարկավորում` 2-րդ տեղը, ավտովարկավորում` 1-ին տեղը,  ժամկետային ավանդներ` 1-ին տեղը, դրամական փոխանցումներ` 1-ին տեղը: