Հարգելի հաճախորդներ,

«Յունիբանկ»-ի թեժ գծի կենտրոնը բազմաֆունկցիոնալ հեռախոսակապի կենտրոնի վերակազմավորելու հետ կապված, իրականացվել է հեռախոսահամարի  փոփոխություն: Այսուհետ թեժ գծի նախկին` 85 80  համարով ստացված բոլոր հեռախոսազանգերը  կվերահասցեագրվեն հեռախոսակապի կենտրոնի նոր` 59 55 55 համարին:

Հեռախոսակապի կենտրոնի հնարավորությունների եւ գործառույթների ընդլայնումը պայմանավորված է զանգերի քանակի նշանակալի աճով  եւ համահունչ է մանրածախ բանկային բիզնեսի ակտիվ զարգացման Բանկի ռազմավարությանը: Հեռախոսակապի կենտրոնի տեխնիկական նորացումը հնարավորություն է տալիս էապես կրճատել զանգերի մշակման ժամանակը եւ ապահովել  հաճախորդների ավելի բարդ հարցումների սպասարկումը: Օրինակ, հեռախոսակապի կենտրոն կատարած զանգով կարելի է լրացնել վարկային քարտի հայտը: Մոտ ապագայում  հաճախորդներին հնարավորություն կընձեռվի օգտվել լրացուցիչ ծառայություններից:
  
Հեռախոսակապի կենտրոնի բոլոր աշխատակիցները մասնակցել են մասնագիտական դասընթացներին, ինչը բավականին բարձրացրել է կենտրոնի աշխատանքի արդյունավետությունը: Զանգահարելով 59 55 55 հեռախոսահամարով կարելի է ստանալ ոչ միայն նախնական տեղեկատվություն եւ որակավորված խորհրդատվություն «Յունիբանկ»-ի ծառայությունների վերաբերյալ, այլ նաեւ’ առաջարկություն կամ բողոք ներկայացնել Բանկի գործունեության վերաբերյալ:

Հեռախոսակապի կենտրոնը աշխատում է երկուշաբթի- ուրբաթ ժամը 9:00-ից մինչեւ 18:00: Զանգահարեք եւ հարցրեք` մենք միշտ ուրախ ենք լսել մեր հաճախորդներին: