Հաճախորդներին առավելագույն հարմարավետությամբ սպասարկելու նպատակով Յունիբանկի երևանյան “Ավան” և մարզային “Աբովյան” մասնաճյուղերը տեղափոխվել են նոր տարածքներ:

Մասնաճյուղերի նոր հասցեներն են`
-ք.Երևան, Ավան վարչական շրջան, Իսահակյան թաղամաս, թիվ 1/19,
-ք. Աբովյան, Հատիսի 1/39/3:

Մանրածախ բանկային բիզնեսի զարգացման ռազմավարության շրջանակներում Յունիբանկն առանձնահատուկ ուշադրություն է դարձնում մասնաճյուղային ցանցի ընդլայնմանը, բնակչության համար բանկային ծառայությունների առավելագույնս հասանելիության ապահովմանը և պասարկման որակի բարձրացմանը: “Ավան” և “Աբովյան” մասնաճյուղերի տեղափոխումն առավել ընդարձակ և բանուկ հատվածներում գտնվող տարածքներ հնարավորություն է ընձեռում բանկին ապահովել էլ ավելի շատ թվով հաճախորդների ներգրավում և նրանց որակյալ սպասարկում:
Յունիբանկի մասնաճյուղերն իրականացնում են ֆիզիկական և իրավաբանական անձանց համալիր բանկային սպասարկում, այդ թվում` ավանդների ընդունում, վարկավորում, բանկային քարտերի տրամադրում և սպասարկում, UNISTREAM դրամական փոխանցումների իրականացում, վճարահաշվարկային ծառայությունների մատուցում, կոմունալ վճարումների ընդունում:

Ներկայումս Յունիբանկն ունի 37 մասնաճյուղ և ներկայացուցչություն Մոսկվայում: Բանկի մասնաճյուղերի հասցեներին և աշխատաժամերին կարող եք ծանոթանալ` այցելելով Բանկի կայքէջի “Մասնաճյուղային ցանց” և “Աշխատաժամեր” էջերը կամ զանգահարելով (010) 59 55 55 հեռախոսահամարով: