Յունիբանկը հայտարարում է նոր գարնանային ակցիայի մեկնարկման մասին, որի շրջանակներում կարելի է ձևակերպել UNICARD վարկային քարտ բանկ դիմելու օրը` ներկայացնելով միայն անձնագիր և սոցիալական քարտ:

Յունիբանկը մշտապես նորացնում է իր ծառայությունների տեսականին և ձգտում է պարզեցնել սպառողական վարկերի ձևակերպման գործընթացը բացասական վարկային պատմություն չունեցող հաճախորդների համար: Վարկային քարտի սահմանաչափը կազմում է մինչև 150 հազար դրամ, որը կարելի է ծախսել ցանկացած սպառողական նպատակով: Վարկի տրամադրման վերաբերյալ որոշումը և վարկային քարտը բանկը տրամադրում է հաճախորդին բանկ դիմելու օրը:

UNICARD քարտով վարկի մարման ժամկետը կազմում է 12 ամիս, տոկոսադրույքը` 24 տոկոս տարեկան, որը հաշվարկվում է միայն վարկային միջոցների օգտագործված գումարի նկատմամբ: Հիշեցնենք, որ Յունիբանկի բոլոր քարտապանները, “Մագնիս” ծրագրի շրջանակներում, կարող են օգտվել մինչև 35% զեղչերից մոտ 80 կազմակերպություններում` խանութներում, հյուրանոցներում, գեղեցկության սրահներում, մարզական ակումբներում, ռեստորաններում, բժկական հաստատություններում և այլն: Դրա համար, ապրանքների ու ծառայությունների դիմաց վճարելիս, անհրաժեշտ է ներկայացնել Յունիբանկի քարտը:

Յունիբանկի վարկային քարտերի մանրամասն պայմաններին ծանոթանալու համար այցելեք www.unibank.am կայքի «Բանկային քարտեր» բաժինը կամ զանգահարեք բանկի հեռախոսակապի կենտրոն` (37410) 59 55 55 հեռախոսահամարով: