Յունիբանկը բարձրացրել է ոչ ռեզիդենտ ֆիզիկական և իրավաբանական անձանց համար նախատեսված “Էքսկլյուզիվ” ժամկետային ավանդի տարեկան տոկոսադրույքները: Այսուհետ “Էքսկլյուզիվ” ավանդը կարելի ձևակերպել 13% տարեկան տոկոսադրույքով ՀՀ դրամի դեպքում, 8%` ԱՄՆ դոլարի, 6.7%` եվրոյի և 6.5% ռուսական ռուբլու դեպքում: Ավանդի նվազագույն գումարը կազմում է 30 հազար դրամ, 100 դոլար/եվրո կամ 3 000 ռուբլի:

Գումարը կարելի է ավանդադրել ինչպես երկարատև ժամկետով, այնպես էլ 3 ամսով: Ավանդատուին հնարավորություն է տրվում ընտրելու տոկոսագումարի ստացման տարբերակը` ամեն ամիս կամ ավանդի գործողության ժամկետի վերջում:

Ռեզիդենտ ֆիզիկական և իրավաբանական անձանց Յունիբանկն առաջարկում է ավանդների լայն տեսականի նույն բարձր եկամտաբերությամբ` մինչև 13%: Հաճախորդները, կախված ավանդների պայմաններից, կարող են օգտվել մուլթիարժութային ռեժիմից, իրականացնել տոկոսների կապիտալիզացիա, համալրել կամ մասնակի ետ կանչել ավանդի գումարը:

Այսօր Յունիբանկը ՀՀ բանկային համակարգի առաջատարն է ֆիզիկական անձանց ժամկետային ավանդների ծավալով: 2012թ.-ի փետրվարի վերջի դրությամբ Յունիբանկի ժամկետային ավանդների ծավալը կազմել է ավելի քան 71,3 մլրդ դրամ` նախորդ տարվա նույն ժամանակահատվածի համեմատ ավելանալով 34%-ով: Ֆիզիկական անձանց ժամկետային ավանդների ծավալն աճել է 22%-ով և կազմել 55,7 մլրդ դրամ: Իրավաբանական անձանց ժամկետային ավանդներն աճել են 33%-ով` հասնելով 15,5 մլրդ դրամի:

Յունիբանկի ավանդների վերաբերյալ առավել մանրամասն տեղեկատվությունը տեղադրված է “Ավանդներ” բաժնում: Մեր մասնագետներին կարող եք դիմել` զանգահարելով (37410) 59 55 55 հեռախոսահամարով կամ լրացնելով կայքում տեղադրված հետադարձ կապի համապատասխան ձևը: