Ինչպիսի՞ բաժնետոմսեր է առաջարկում Յունիբանկը և ի՞նչ գնով:

Բանկն առաջարկում է ոչ փաստաթղթային (այսինքն` էլեկտրոնային, ոչ տպագրական եղանակով պատրաստված) սովորական բաժնետոմսեր: Մեկ բաժնետոմսի անվանական արժեքը կազմում է 100 ՀՀ դրամ, տեղաբաշխման գինը` 230 ՀՀ դրամ:

Բաժնետոմսերը դրամական միջոցների երկարաժամկետ ներդրման գործիք են և լավ հնարավորություն` խնայողությունները դիվերսիֆիկացնելու համար:

Բաժնետոմսերի նկատմամբ հաշվարկվող շահութաբաժինները և առք ու վաճառքի դեպքում գնի դրական տարբերությունը ենթակա չէ հարկման: Բացառություն են կազմում միայն ոչ ռեզիդենտ իրավաբանական անձինք, որոնց համար առկա է 10% եկամտահարկ:

Սահմանված է արդյո՞ք գնման և վաճառքի նվազագույն ծավալ:

Սահմանվել է 1 մլն ՀՀ դրամի չափով գնման նվազագույն ծավալ, սակայն, եթե գնորդը հետագայում ցանկություն հայտնի վաճառելու բաժնետոմսերը, ապա նա կարող է դրանք վաճառել ցանկացած քանակությամբ, նույնիսկ` ընդամենը մեկ բաժնետոմս:

Բաժնետոմսերը կարող եք վաճառվել տեղաբաշխման ավարտից հետո ցանկացած պահի` գրանցված բրոքերի միջոցով: Յունիբանկը ևս դարձել է արժեթղթերի հաշվարկային համակարգի անդամ և ստացել դեպոզիտար համակարգի հաշվի օպերատորի կարգավիճակ, հետևաբար, մոտենալով Բանկի ցանկացած մասնաճյուղ ևս, կարող եք գնել և վաճառել Բանկի բաժնետոմսերը:

Բաժնետոմսերի իրացվելիությունը բարձրանում է այն դեպքում, եթե առկա է շուկա ստեղծող` մարքետ-մեյքեր, որը բաժնետոմսի անընդհատ երկկողմանի գնանշումներ է ապահովում, հնարավորություն ընձեռելով ներդրողներին ցանկացած պահի վաճառել, իրացնել իրենց ունեցած արժեթուղթը: Որպես Յունիբանկի բաժնետոմսերի մարքեթ-մեյքեր հանդես է գալիս «ԱՐՄԵՆԲՐՈԿ» ԲԲԸ-ն:

Որո՞նք են Յունիբանկի բաժնետոմսերի առավելություները :

Բանկի բաժնետեր հաճախորդների համար գործում են ավանդների հատուկ տոկոսադրույքներ` մինչև 8.2% տարեկան ԱՄՆ դոլարի և մինչև 15.5% տարեկան ՀՀ դրամի համար:

Այդպիսով, բանկի բաժնետերերի համար ավանդի տկոսադրույքը բարձրացվում է`

•  0.5%` եթե ավանդը ներդրվում է 181-365 օր ժամկետով
• 1 %` եթե ավանդը ներդրվում է 366 և ավել օր ժամկետով

այն դեպքում, երբ ավանդի գումարը չի գերազանցում բաժնետոմսերի գումարի 10-ապատիկը: Բաժնետերերին տրամադրվում է սպասարկման արտոնյալ պայմաններ` Prive փաթեթի միջոցով`

1-ից մինչև 10 մլն ՀՀ դրամ գումարի բաժնետոմսեր գնելու դեպքում`

•  VISA Gold մուլթիարժութային քարտ
• Հայաստանում ապրանքներ և ծառայություններ ձեռքբերելիս զեղչային համակարգից օգտվելու հնարավորություն
• Անվճար օնլայն բանկինգ
• Անվճար երաշխավորված ավտոկայանատեղի Prive մասնաճյուղի դիմաց

10- ից մինչև 50 մլն ՀՀ դրամ գումարի բաժնետոմսեր գնելու դեպքում `

• VISA Infinite մուլթիարժութային քարտ
• Անվճար միջազգային երաշխավորություն
• Priority Pass անվճար ծառայություն, որը մուտքի իրավունք է տալիս աշխարհի 120 երկրների օդանավակայանների 900 VIP-սրահներ
• 24/7 կոնսյերժ ծառայություն
• Անվճար օնլայն բանկինգ
• Անվճար դեպոզիտար արկղ 3 ամսով
• Անհատական մենեջեր
• Հայաստանում ապրանքներ և ծառայություններ ձեռքբերելիս զեղչային համակարգից օգտվելու հնարավորություն
• Անվճար միջազգային SIM-քարտ
• Անվճար երաշխավորված ավտոկայանատեղի Prive մասնաճյուղի դիմաց

50 մլն ՀՀ դրամ ը գերազանցող գումարի բաժնետոմսեր գնելու դեպքում `

• VISA Infinite մուլթիարժութային քարտ
• Անվճար միջազգային երաշխավորություն
• Priority Pass անվճար ծառայություն, որը մուտքի իրավունք է տալիս աշխարհի 120 երկրների օդանավակայանների 900 VIP-սրահներ
• 24/7 կոնսյերժ ծառայություն
• Անվճար օնլայն բանկինգ
• Երկու անվճար դեպոզիտար արկղ 3 ամսով
• Անհատական մենեջեր
• Հայաստանում ապրանքներ և ծառայություններ ձեռքբերելիս զեղչային համակարգից օգտվելու հնարավորություն
• Անվճար միջազգային SIM-քարտ
• Անվճար երաշխավորված ավտոկայանատեղի Prive մասնաճյուղի դիմաց

Բանկի Խորհրդի կողմից հաստատված 2016-2020թթ ռազմավարության համաձայն նախատեսվում է մինչև 2020 թվականը 10 մլն դոլարի չափով շահույթի ապահովում և դրան համապատախան շահութաբաժինների վճարում:

Ինչպե՞ս կարող եմ ձեռքբերել կամ վաճառել Յունիբանկի բաժնետոմսեր:

Յունիբանկը դարձել է արժեթղթերի հաշվարկային համակարգի անդամ և ստացել դեպոզիտար համակարգի հաշվի օպերատորի կարգավիճակ: Դա նշանակում է, որ Յունիբանկի բաժնետոմսերի համար կարող եք դիմել բանկի ցանկացած մասնաճյուղ, գլխամասային գրասենյակ կամ ՀՀ-ում գրանցված ցանկացած հաշվի օպերատորի: Բաժնետոմսերը կարող եք վաճառել տեղաբաշխման ավարտից հետո ցանկացած պահի` Յունիբանկի կամ գրանցված այլ բրոքերի միջոցով:

Արդյո՞ք գոյություն ունեն որևէ սահմանափակումներ` օտարերկրյա անձանց կողմից բաժնետոմսերի գնման/վաճառքի առնչությամբ:

Նման որևէ սահմանափակումներ չկան:

Արդյո՞ք առկա է տարիքային սահմանափակում:

Բաժնետոմսեր կարող է գնել ցանկացած չափահաս անձ: Ծնողները կարող են ձեռքբերել բաժնետոմսեր երեխայի անունով:

Ինչպե՞ս կարող եմ ծանոթանալ թողարկման Ազդագրին: :

Հրապարակային առաջարկի վերաբերյալ Ազդագիրը, որը պարունակում է բանկի գործունեության, ֆինանսական վիճակի, առաջարկվող բաժնետոմսերի և դրանց հետ առնչվող ռիսկերի համառոտ նկարագիրը, Յունիբանկը հրապարակել է ww.unibank.am կայքում 25.05.2016թ.-ին: Ներդրողը կարող է ձեռքբերել Ազդագրի թղթային տարբերակը բանկի գլխամասային գրասենյակում և մասնաճյուղերում, իսկ էլեկտրոնային տարբերակը` բանկի ինտերնետային կայքի «Բաժնետերեր և ներդրողներ» բաժնում:

Ո՞րն է տեղաբաշխման վերջնաժամկետը:

2016թ.-ի հուլիսի 20-22-ը «ՆԱՍԴԱՔ ՕԷՄԷՔՍ Արմենիա» բորսայում տեղի կունենա տեղաբաշխման գործընթացը: Տեղաբաշխման մեկնարկման հստակ օրը կհրապարակվի բանկի կայքում (www.unibank.am) տեղաբաշխման օրվանից առնվազն 5 աշխատանքային օր առաջ:

Կարող եմ արդյո՞ք բաժնետոմսերի նվիրատվություն կատարել:

Այո, նվիրատվության հիման վրա արժեթղթերի փոխանցումները կատարվում են ազատ առաքմամբ (ST փոխանցում)՝ նվիրատուի պահանջով, եթե նվիրատուն ներկայացնում է նվիրատվության պայմանագիրը, կամ համաձայնությամբ ազատ առաքմամբ (FOP փոխանցում), եթե նվիրատվության պայմանագիրը ներկայացված չէ:

Կարող եմ արդյո՞ք բաժնետոմսերի ժառանգություն գրանցել:

Այո, ժառանգության գրանցման արդյունքում արժեթղթերի ազատ առաքման համար ժառանգը պարտավոր է Հաշվի Օպերատորին ներկայացնել ժառանգության իրավունքի վկայականը, բաժնետոմսերի հաշվի բացման փաստաթղթերը, եթե ժառանգի (ժառանգների) համար նախկինում արժեթղթերի հաշիվ բացված չի եղել տվյալ Հաշվի Օպերատորի միջնորդությամբ, Հաշվի Օպերատորի կանոններով սահմանված այլ տեղեկություններ: Ժառանգության գրանցման համար ազատ առաքմամբ արժեթղթերի փոխանցման գործառնությունը կատարվում է, եթե ժառանգատուի հաշվին Հաշվի Օպերատորի կողմից տրված է ժառանգատուի հաշվի կարգավիճակ:

Ինչպիսի՞ն է արժեթղթերից ստացվող եկամուտների հարկման կարգը:

Ռեզիդենտ իրավաբանական անձանց համար Բաժնետերերի բաժնետոմսերից ստացվող եկամուտներ`շահաբաժինները չեն հարկվում շահութահարկով: Ոչ ռեզիդենտ իրավաբանական անձանց դեպքում շահաբաժինները ենթակա են շահութահարկով հարկման որպես պասիվ եկամուտներ՝ 10% դրույքաչափով: Ռեզիդենտ և ոչ ռեզիդենտ ֆիզիկական անձանց համար բաժնետերերի շահաբաժինները չեն հարկվում եկամտային հարկով: