2008թ.-ին ՀՀ բանկային համակարգի միջոցով ֆիզիկական անձանց անունով ստացվել է 1635,3 մլն ԱՄՆ դոլար: Նման տեղեկատվություն է պարունակում ՀՀ Կենտրոնական բանկի դեկտեմբեր ամսվա տեղեկատուն: “Յունիստրիմ” դրամական փոխանցումների համակարգը 2008թ.-ին ապահովել է 802 մլն դոլարի շրջանառություն` 22%-ով գերազանցելով նախորդ տարվա ցուցանիշը:  Այդպիսով “Յունիստրիմ” համակարգին բաժին է ընկել հայաստանյան դրամական փոխանցումների մոտ 50 տոկոսը: Այս տարվա հունվարին համակարգով իրականացվել է ավելի քան 33 հազար փոխանցում, որոնց ընդհանուր գումարը կազմել է  26 մլն դոլար: Անկախ փորձագետների գնահատականներով, “Յունիստրիմ” համակարգն առաջարկում է ամենացածր սակագինը` սկսած 1,1%-ից: Հաճախորդների համար ոչ պակաս կարեւոր  նախապայման է նաեւ փոխանցման իրականացման արագությունը` “Յունիստրիմ”-ում այն կազում է տաս րոպե:Համակարգի աշխարհագրությունն ընդգրկում է 90 երկիր: