«Յունիբանկ»-ն ընդլայնել է ավտովարկավորման ծրագիրը
07.09.2009 Վարկերը տրամադրվում են ինչպես առաջնային, այնպես էլ երկրորդային շուկաներում ավտոմեքենա ձեռք բերելու համար«Յունիբանկ»-ն ընդլայնել է ավտովարկավորման ծրագիրը եւ իր հաճախորդներին է առաջարկում նոր գործիքներ, նախատեսված եկամտի տարբեր մակարդակ եւ պահանջմունքներ ունեցող հաճախորդների համար: Ծրագրի շրջանակներում վարկավորում է իրականացվում ինչպես նոր, այնպես էլ` օգտագործված ավտոմեքենաների ձեռքբերման համար: Վարկերը տրամադրվում են մինչեւ 5 տարի ժամկետով, տարեկան տոկոսադրույքը` սկսած 17 տոկոսից, կանխավճարը` սկսած 20 տոկոսից: Վարկի առավելագույն գումարը կազմում է 50 մլն դրամ: Հաճախորդները կարող են կատարել վարկի ամբողջ գումարի կամ մասնակի վաղաժամկետ մարումներ առանց տույժերի գանձման: Ավտովարկավորման նոր ծրագրի հետ մեկտեղ բանկում գործում է նաեւ U-Auto ծրագիրը, այն է պլաստիկ քարտով վարկի տրամադրում ավտոմեքենա ձեռքբերելու համար:
Ավտովարկավորման ծավալներով «Յունիբանկ»-ը հանդիսանում է ՀՀ բանկային համակարգի առաջատարներից մեկը: Այս տարվա սեպտեմբերի 1-ի դրությամբ բանկի ավտովարկավորման պորտֆելը կազմել է 8,5 մլրդ դրամ: