«Յունիբանկ»-ն ընդլայնում է սպառողական վարկավորման տեսականին
03.11.2009 «Յունիբանկ»-ն ընդլայնում է սպառողական վարկավորման տեսականին եւ առաջարկում է երեք նոր գործիքներ: Այսուհետ բանկը վարկեր կտրամադրի ջեռուցման համակարգերի, կահույքի, կենցաղային տեխնիկայի, ինչպես նաեւ համակարգիչների ձեռքբերման համար: Ջեռուցման համակարգերի համար վարկերի առավելագույն գումարը սահմանված է 600 հազար ՀՀ դրամի չափով, ժամկետը` 18 ամիս, տարեկան տոկոսադրույքը` 22 տոկոս, իսկ նվազագույն կանխավճարը` 30 տոկոս: Կահույք եւ կենցաղային տեխնիկա ձեռքբերել ցանկացողները կարող են «Յունիբանկ»-ում ձեւակերպել մինչեւ 1 մլն դրամ գումարի չափով սպառողական վարկեր` 12 կամ 18 ամիս ժամկետով, կախված վարկի գումարի չափից, 22 տոկոս տարեկան տոկոսադրույքով: Կանխավճարը կազմում է 30 տոկոս:Համակարգիչների ձեռքբերման համար տրամադրվում են ոչ ավելի քան 400 հազար դրամ գումարի չափով վարկեր, 12 ամիս ժամկետով եւ 22 տոկոս տարեկան տոկոսադրույքով: Այս դեպքում կանխավճարը կազմում է ընդամենը 10 տոկոս:
Նշենք, որ նոր գործիքների հետ մեկտեղ բանկը շարունակում է տրամադրել սպառողական վարկեր նաև այլ սպառմանն ուղղված նպատակների համար:
Ծանոթացեք նաեվ
-
Ուշադրություն` մամլո ասուլիս 27.10.2009
-
Յունիբանկը նշում է իր 8-ամյակը 26.10.2009