«Յունիբանկ»-ի «Գավառ» մասնաճյուղը սկսել է իր գործունեությունը
19.10.2009 Ս.թ. հոկտեմբերի 19-ից իր գործունեությունն է սկսել «Յունիբանկ»-ի թվով 32-րդ` «Գավառ» մասնաճյուղը: Ինչպես նշեց «Յունիբանկ»-ի Օպերացիոն գծով տնօրեն Էլիզա Մհերյանը, նորաբաց մասնաճյուղը մատուցելու է բանկի բոլոր ծառայությունները, այդ թվում նաեւ իրականացնելու է UNIPAY համակարգով կոմունալ վճարումների ընդունում: «Յունիբանկ»-ի «Գավառ» մասնաճյուղը տեղակայված է ք. Գավառ, Գ. Լուսավորիչի 21 հասցեում: «Գավառ» մասնաճյուղի սպասարկման աշխատաժամերն են` 9:15-ից մինչեւ 17:00, առանց ընդմիջման: Հանգստյան օրերն են` շաբաթը եւ կիրակին:Հաճախորդների բազայի ընդլայնման հետ մեկտեղ, «Յունիբանկ»-ը շարունակում է ընդլայնել մասնաճյուղային ցանցը` համաձայն իր ռազմավարության: Ըստ այդմ, բանկը «Երեւան Սիթի» սուպերմարկետների ցանցի գրեթե բոլոր ստորաբաժանումներում կբացի մասնաճյուղեր` «Երեւան Սիթի»-ի հաճախորդների առկա հոսքը եւ գործընկերներին` որպես բանկի հաճախորդ ներգրավելու նպատակով: Գործընթացի սկիզբը կդրվի «Դավիթ Անհաղթ» մասնաճյուղով, որն արդեն գրանցվել է ՀՀ Կենտրոնական բանկի կողմից եւ կսկսի գործել մինչեւ հոկտեմբերի 25-ը: «Դավիթ Անհաղթ» մասնաճյուղը գտնվում է «Երեւան Սիթի» սուպերմարկետի Զեյթուն համայնքի ստորաբաժանման տարածքում /ք. Երեւան, Ռուբինյանց 15/5/: Նախատեսվում է մասնաճյուղ բացել նաեւ Տիգրան Մեծ փողոցում տեղակայված «Երեւան Սիթիy» սուպերմարկետի տարածքում:
Մոտ ապագայում «Յունիբանկ»-ը մասնաճյուղեր կբացի նաեւ Էրեբունի, Ավան, Դավիթաշեն, Աչաջնյակ համայնքներում: Տարածաշրջանային մասնաճյուղային ցանցի ընդլայնման նպատակով 2010թ.-ի սկզբին կբացվի Ագարակ քաղաքում (Մեղրի):
Ծանոթացեք նաեվ
-
Բիզնես վարկավորման նոր ծրագիր «Յունիբանկ»-ից 11.10.2009
-
Նոր ակցիա «Յունիբանկ»-ից 04.10.2009