«Յունիբանկ»-ը համալրել է կանոնադրական կապիտալը 2,8 մլրդ դրամով, հասցնելով այն 11,4 մլրդ դրամի: Կապիտալի համալրումն անհրաժեշտ էր բանկին 2010թ.-ին 35 տոկոսով վարկային ներդրումների ծավալների ավելացման նպատակով: Այս տարի «Յունիբանկ»-ի վարկային ներդրումները  կկազմեն 90 մլրդ դրամ: Բանկը նախատեսում է նման արդյունքի հասնել գործունեության ծավալների ընդլայնման  շնորհիվ` ինչպես մանրածախ, այնպես էլ` կորպորատիվ վարկավորման ոլորտներում:
2009թ.-ի արդյունքներով «Յունիբանկ»-ն ընդհանուր վարկային ներդրումների ծավալով  ՀՀ բանկային համակարգում զբաղեցրել է հինգերորդ տեղը: Արդյունաբերության ոլորտին ուղղված վարկային ներդրումների ծավալով բանկը զբաղեցրել է առաջին, հիփոթեքային վարկավորման ծավալով` երկրորդ, ավտովարկավորման ծավալով` առաջին տեղերը: