Ս.թ. մարտի 15-ից  իր գործունեությունը կսկսի  «Յունիբանկ»-ի թվով 35-րդ` «Ավան» մասնաճյուղը:  Նորաբաց մասնաճյուղը տեղակայված է ք. Երեւան, Խուդյակովի 175/11 հասցեում: «Ավան» մասնաճյուղը հաճախորդներին կսպասարկի ժամը  9:15-ից մինչեւ 17:00, առանց ընդմիջման: Հանգստյան օրեր` շաբաթ և կիրակի:
Այս տարի ընդհանուր առմամբ «Յունիբանկ»-ը նախատեսում է բացել 9 մասնաճյուղ` հասցնելով մասնաճյուղերի քանակը 43-ի: Բացի «Ավան» մասնաճյուղից մարտ-ապրիլին  հաճախորդների սպասարկումը կսկսեն նաեւ երեւանյան «Աջափնյակ», իսկ մինչեւ այս տարվա առաջին կիսամյակի ավարտը` «Ագարակ»  /տեղակայված է Ագարակ քաղաքում/ մասնաճյուղերը:
Ներկայոմս «Յունիբանկ»-ը հանդիսանում է ամենաարագ զարգացող եւ ՀՀ բանկային համակարգի համար առանցքային նշանակություն ունեցող բանկերից մեկը: 2009թ.-ի արդյունքներով «Յունիբանկ»-ի դիրքերը ՀՀ բանկային համակարգում հետեւյալն են`  
Ակտիվներ  - 5 տեղ
Ընդհանուր վարկային ներդրումներ- 5 տեղ
Արդյունաբերության վարկավորում - 1 տեղ
Ֆիզիկական անձանց վարկավորում - 2 տեղ
Հիփոթեքային վարկավորում - 2 տեղ
Պարտավորություններ  -3 տեղ
Ժամկետային ավանդներ  - 1 տեղ
Դրամական միջոցների հոսքերի դրական մակարդակ - 2 տեղ
Դրամական փոխանցումներ- 1 տեղ