UNISTREAM դրամական փոխանցումների միջազգային համակարգը Հայաստանում շրջանառության մեջ է դնում նոր գործիք` հաճախորդի միասնական քարտ: Հաճախորդի քարտի կիրառումը ավելի արդյունավետ կդարձնի դրամական փոխանցում կատարելու գործընթացը, քանի որ քարտը պարունակում է հաճախորդի բոլոր անհրաժեշտ տվյալները: Յուրաքանչյուր քարտ ունի իր հատուկ համարը եւ կրում է համակարգով հաճախորդի կողմից իրականացված փոխանցումների մասին տեղեկատվությունը: Հաճախորդի քարտի գլխավոր առավելություններից է հաճախորդի սպասարկման ժամանակահատվածի զգալի կրճատումը: Քարտի առկայությունը սպասարկողին ազատում է դրամական փոխանցում կատարելու համար անհրաժեշտ տեղեկատվության մուտքագրման անհրաժեշտությունից: Բավարար է , որպեսզի հաճախորդը ներկայացնի քարտը եւ բանկի աշխատակիցը ըստ քարտի համարի կստանա անհրաժեշտ տվյալները: Բացի դրանից, քարտը հնարավորություն է տալիս հետեւել կատարված եւ ընթացիկ փոխանցումների online կարգավիճակին:

Այսօր UNISTREAM-ը դրամական փոխանցումների ամենապահանջված համակարգն է հայաստանյան շուկայում: 2010թ.-ին Հայաստանում UNISTREAM համակարգով իրականացվել է 748 հազար դրամական փոխանցում: Համակարգի հայաստանյան շրջանառությունը անցած տարի կազմել է 597 մլն ԱՄՆ դոլար` գերազանցելով նախորդ տարվա ցուցանիշը 8,5 տոկոսով:

«Հայաստանում UNISTREAM-ի մեծ պահանջարկը պայմանավորված է մի շարք գործոններով, այդ թվում` օպտիմալ սակագներով: Մենք միակ համակարգն ենք, որն առաջարկում է դրամական փոխանցումներ ազգային արժույթով` ՀՀ դրամով, ընդամենը 0,35% սակագնով», - ասել է UNISTREAM համակարգի նախագահ Սուրեն Հայրիյանը: Բացի գրավիչ սակագներից, UNISTREAM համակարգն առաջարկում է նաեւ անհասցե փոխանցումների ծառայությունը, երբ հաճախորդը կարող է իրեն ուղարկված գումարը ստանալ «Յունիբանկ»-ի 34 մասնաճյուղերից ցանկացածում:

Լրացուցիչ տեղեկությունների համար այցելեք կայքի «Յունիստրիմ դրամական փոխանցումներ» բաժինը կամ զանգահարեք Բանկի հեռախոսակապի կենտրոն` 59 55 55 հեռախոսահամարով: