«Ավիատրանս» խոշորագույն  ավիագործակալության սպասարկման սրահում  /Երևան, Մաշտոցի 15/ բացված` Յունիբանկի պրոմո-կետը սկսել է իր աշխատանքը:  Պրոմո-կետի աշխատակիցները հաճախորդներին ներկայացնում են սպառողական վարկավորման պայմանները, մատուցում խորհրդատվություն, պարզաբանում վարկավորման գործընթացը և, անհրաժեշտության դեպքում, օգնում են վարկային հայտի լրացման և փաստաթղթերի ներկայացման գործում:

Յունիբանկը ավիատոմսերի ձեռքբերման համար վարկեր է տրամադրում հետեւյալ պայմաններով` վարկի գումարը` մինչեւ 300 000 դրամ, տարեկան տոկոսադրույքը` 24%, ժամկետը` 24 ամիս, կանխավճարը` 0-30%:  
U-Fly վարկը տրամադրվում է բացասական վարկային պատմություն չունեցող ֆիզիկական անձանց: Վարկի տրամադրման համար անհրաժեշտ է ներկայացնել դիմում, անձնագիր, սոցիալական քարտ և տեղեկանք աշխատավայրից: Հաշվի բացումը և սպասարկումն իրականացվում է անվճար:

Շուտով Յունիբանկը պրոմո-կետեր կբացի նաեւ մարզերում, մասնավորապես, «Ավիատրանս» գործակալության սպասարկման կետերում Գյումրիում և Վանաձորում: Ներկա դրությամբ Յունիբանկն ունի 4 պրոմո-կետ: