Յունիբանկի սպառողական վարկերի քանակն ավելացել է ավելի քան 7 անգամ:

Յունիբանկը գործարկել է U-Smile սպառողական նոր վարկատեսակ, որը նախատեսված է ատամնաբուժական ծառայությունների դիմաց վճարելու համար: Վարկից կարող են օգտվել բոլոր ֆիզիկական անձինք, ովքեր չունեն բացասական վարկային պատմություն: Այս վարկատեսակը Բանկը տրամադրում է 24 ամիս ժամկետով, 21% տարեկան տոկոսադրույքով: Վարկի գումարը կազմում է մինչև 1 մլն դրամ: Ընդ որում, Բանկը չի պահանջում կանխավճար և գրավ: Դրա հետ մեկտեղ, հաճախորդին ընձեռվում է վարկի վաղաժանմկետ մարման հնարավորություն` առանց տույժերի կիրառման: U-Smile վարկի ձևակերպման համար անհրաժեշտ է այցելել Բանկի 37 մասնաճյուղերից որևէ մեկը և ներկայացնել փաստաթղթերի նվազագույն փաթեթ` անձնագիր, սոցիալական քարտ, տեղեկանք աշխատավայրից: Անհրաժեշտության դեպքում Բանկը կարող է խնդրել նաև երաշխավորողի փաստաթղթեր:
Տեղեկատու հեռ.` /010/ 59 55 55:

“Վերլուծելով մեր հաճախորդների առաջարկությունները` ստեղծում ենք վարկատեսակներ, որոնք լիովին համապատասխանում են  նրանց այժմյան պահանջներին: Մեր վարկերի գլխավոր առանձնահատկությունն այն է, որ դրանք հասանելի են և մատչելի բնակչության լայն շրջանակների համար: Եթե դուք ծրագրել եք տեխնիկայի կամ կահույքի գնում, պատրաստվում եք մեկնել ճամփորդության կամ էլ ցանկանում եք վերանորոգում իրականացնել, ապա կարող եք շահավետ պայմաններով համապատասխան սպառողական վարկ ստանալ Յունիբանկում: Մենք կշարունակենք սպառողական վարկավորման ակտիվ զարգացումը և մինչև տարեվերջ կապահովենք պորտֆելի նախատեսված 100%  աճը,”- ասում է Յունիբանկի սպառողական վարկերի անդերրայթինգի վարչության պետ Գուրգեն Ղուկասյանը: 30.06.2011թ.-ի դրությամբ սպառողական վարկերի քանակը նախորդ տարվա նույն ժամանակահատվածի ցուցանիշի համեմատ աճել է ավելի քան 7 անգամ:

Հաճախորդների հարմարավետ սպասարկման նպատակով, Յունիբանկը, մասնաճյուղային ցանցի ընդլայնման հետ մեկտեղ, սահմանում է նաև սպասարկման կետերի հատուկ աշխատակարգ: Հիշեցնենք, որ   վերջերս Երեւանի կենտրոնում բացված “ՕՊԵՐԱ” / Սայաթ-Նովա 1/ մասնաճյուղն աշխատում է երկուշաբթի-ուրբաթ օրերին` ժամը 11:00-ից մինչև 20:00, իսկ  “Ամիրյան” /Երևան, Ամիրյան 12/ և “Կոմիտաս” /Երևան, Կոմիտասի 15/2/ մասնաճյուղերը “Յունիստրիմ” դրամական փոխանցումներ և արտարժույթի փոխանակում են իրականացնում մինչեւ 19:30-ը: Յունիբանկի “Զվարթնոց” մասնաճյուղը հաճախորդներին սպասարկում է շուրջօրյա, առանց հանգստյան օրերի: Ակտիվ գործում են նաև Յունիբանկի պրոմո-կետերը   «Նիքս»,  «Ֆայն» և «Քոմփաս» համակարգչային տեխնիկայի խանութ-սրահներում և  «Ավիատրանս» ավիագործակալությունում:    Պրոմո-կետերի աշխատակիցները հաճախորդներին պարզաբանում են  վարկավորման գործընթացը, օգնում  վարկային հայտի լրացման, ինչպես նաեւ  փաստաթղթերի ներկայացման գործում: