2012թ.-ի առաջին եռամսյակում Յունիբանկը  ՀՀ պետական բյուջե է փոխանցել ավելի քան 455,8 մլն դրամի հարկեր և այդ ցուցանիշով Հայաստանի 1000 խոշոր հարկատուների ցուցակում զբաղեցրել է 46-րդ տեղը:
Բանկի չբաշխված շահույթը հաշվետու ժամանակահատվածում կազմել է մոտ 634,4 մլն դրամ: Ըստ Արմինֆո վարկանիշային մարքեթինգային գործակալության կողմից կազմված ՀՀ բանկերի ռենքինգի, այդ ցուցանիշով Յունիբանկը ՀՀ առաջատար բանկերի յոթնյակում է:  
Յունիբանկի ակտիվները 2012թ.-ի մարտի վերջի դրությամբ կազմել են 124,6 մլրդ դրամ, ընդհանուր վարկային ներդրումները` 91,4 մլրդ դրամ: Սպասարկման ցանցի ընդլայնվածությամբ Յունիբանկը ՀՀ բանկերի առաջին հնգյակում է:
Ներկայումս բանկն ունի 41 մասնաճյուղ, որից 20-ը` Երևանում, իսկ 21-ը` մարզերում և ԼՂՀ-ում: Մոսկվայում գործում է Յունիբանկի ներկայացուցչությունը: