"Մեկ պատուհանի" սկզբունքով հաճախորդների սպասարկում սկսեց իրականացնել նաև Յունիբանկի "Հաղթանակ" մասնաճյուղը (Երևան, Կոմիտասի 62 թիվ 94): Նման մոտեցման շնորհիվ հաճախորդների սպասրկման գործընթացը մասնաճյուղում դարձել է առավել հարմարավետ և արագ: Ցանկացած բանկային գործարք հաճախորդը կատարում է` դիմելով բանկի ընդամենը մեկ աշխատակցի:

Սպասարկման գործընթացի բարելավման և հաճախորդների ժամանակի խնայման նպատակով, Յունիբանկի բոլոր 46 մասնաճյուղերն անցում կկատարեն “մեկ պատուհանի” սկզբունքով հաճախորդների սպասարկմանը: "Մեկ պատուհանի" սկզբունքով արդեն իսկ աշխատում են "Կոմիտաս" (Երևան, Կոմիտասի 15/2) , “Օպերա” (Երևան, Սայաթ-Նովա 1), “Աճառյան” (Երևան, Աճառյան 22, N51), “Երիտասարդական” (Երևան, Աբովյան 23/2) և "Զվարթնոց" (Զվարթնոց օդանավակայան) մասնաճյուղերը:

Հիշեցնենք, որ Յունիբանկի բոլոր մասնաճյուղերում տեղադրված են վճարային տերմինալներ հաճախորդների կողմից վարկերի ինքնուրույն մարման և հաշվի համալրման համար: Տերմինալներ գործարկվել են նաև ՎԵԳԱ ցանցի երկու խանութներում:

Յունիբանկի մասնաճյուղերի հասցեների և աշխատաժամերի վերաբերյալ առավել մանրամասն տեղեկատվության համար այցելեք “Մասնաճյուղային ցանց” և “Աշխատանքային ժամեր” էջերը: Տեղեկատու հեռ.` (37410) 59 55 55: