2019թ.-ի առաջին կիսամյակում Յունիբանկը բիզնեսի աջակցությանն ուղղել է ավելի քան 15,5 մլրդ ՀՀ դրամ: Բանկի բիզնես վարկերի նկատմամբ մեծ պահանջարկը պայմանավորված է վարկային միջոցների հասանելիությամբ և ֆինանսավորման արագությամբ։ Յունիբանկում փոքր և միջին ձեռնարկությունների ներկայացուցիչները կարող են ստանալ մինչև 5 մլն ՀՀ դրամ անգրավ վարկի պարզեցված գործընթացով։

- Որքան ավելի դինամիկ եք վարում բիզնեսը, այնքան ավելի հաճախ եք զգում ազատ դրամական միջոցների կարիք: Շրջանառությունից գումար դուրս բերելը ոչ միայն նպատակահարմար չէ, այլ նաև հաճախ անհնար է։ Չնայած բիզնես վարկերի տրամադրման գործընթացը առավելագույնս պարզեցված է Յունիբանկում, այնուամենայնիվ անգրավ վարկի համար դիմելն ավելի արագ է և թույլ է տալիս էապես միջոցներ խնայել: Այս դեպքում գրավի հետ կապված նոտարական, կադաստրային և ապահովագրական ծախսերի կարիք չկա,- նշում է Յունիբանկի կորպորատիվ բիզնեսի զարգացման և վաճառքների գծով տնօրեն Դավիթ Պետրոսյանը։

«Անգրավ +» վարկատեսակը տրամադրվում է ՀՀ դրամով, ԱՄՆ դոլարով և եվրոյով՝ 36 ամիս մարման ժամկետով։ Յունիբանկում անգրավ վարկերի հայտերի ուսումնասիրման գործընթացը ավտոմատացված է։ «Պրոտոբեյզ Լաբորատորիզ» ընկերության CRM համակարգի միջոցով հայտերն ուսումնասիրվում են նվազագույն ժամկետներում: Բիզնեսին աջակցելու նպատակով բանկն իրավաբանական անձ և անհատ ձեռներեց հաճախորդներին, ովքեր ունեն Յունիբանկում դրական վարկային պատմություն, առաջարկում է նաև վարկային քարտեր։ Լրացուցիչ միջոցները ձեռներեցներին օգնում են արագ լուծել ծագող ֆինանսական հարցերը: Visa Business քարտը կարելի է օգտագործել ընթացիկ ծախսերը հոգալու և մաքսատուրքերը վճարելու համար:

Շահավետ և ճկուն պայմանների շնորհիվ՝ Յունիբանկի վարկերը հասանելի են մեծ թվով ձեռնարկատերերի համար Հայաստանի ամբողջ տարածքում, այդ թվում՝ սահմանամերձ շրջաններում։ ՓՄՁ-ները կարող են ձևակերպել օնլայն հայտեր բիզնես վարկերի համար` այցելելով www.unibank.am կայքը: Բանկի մասնագետը կապ կհաստատի հաճախորդի հետ և կօգնի ընտրել ամենահարմար վարկատեսակը:

Սեպտեմբերի 12-14-ը Յունիբանկը մասնակցեց ARMENIA EXPO 2019 ցուցահանդեսին և ներկայացրեց հատուկ բիզնեսի համար նախատեսված մի շարք վարկատեսակներ, որոնք մշակելիս հաշվի են առնվել ձեռնարկությունների գործունեության յուրահատկությունները, տնտեսական միջավայրը և շուկայի զարգացման հեռանկարային ուղղությունները: