2021թ.-ի հունիսի 16-ին, Zoom հավելվածի միջոցով, կայացավ «Յունիբանկ» ԲԲԸ-ի բաժնետերերի տարեկան ընդհանուր ժողովը, որում ամփոփվեցին բանկի 2020թ.ի արդյունքները և ներկայացվեցին զարգացման հիմնական ուղղությունները:
 
Համավարակն ու ռազմական գործուղությունները լուրջ ազդեցություն ունեցան Հայաստանի տնտեսության, այդ թվում՝ բանկային համակարգի վրա: Հաճախորդներին աջակցելու նպատակով  Յունիբանկը վերակառուցեց վարկեր, մասնակցեց պետական ​​աջակցության ծրագրերին:
 
2020 թվականը բանկն ամփոփեց հետևյալ ցուցանիշներով` 

• ակտիվներ՝ 238.2 մլրդ դրամ,
• վարկային ներդրումներ՝ 156.6 մլրդ դրամ,
• պարտավորություններ՝ 204.3 մլրդ դրամ,
• ավանդներ՝ 156.8 մլրդ դրամ, թողարկված պարտատոմսերի պորտֆել՝ 9.5 մլրդ դրամ,
• ընդհանուր կապիտալ՝33.9 մլրդ դրամ,
• զուտ շահույթ՝ 238.6 մլն դրամ:

2020թ.-ի առանցքային իրադարձություններն են՝

• նոր մասնաճյուղերի բացում Ապարանում և Սիսիանում, արտասահմանյան առաջին մասնաճյուղի բացում Աստանա Միջազգային Ֆինանսական կենտրոնում (Ղազախստան,, ք. Նուր-Սուլթան),
• դոլարային պարտատոմսերի երկրորդային ցուցակում Մոսկովյան բորսայում,
• արհեստական բանականության տեխնոլոգիայի կիրառում անգրավ սպառողական վարկերի սքորինգային համակարգում,
• Visa-ի «Sustainability Icon» մրցանակ,
• Raiffeisen Bank International ավստրիական բանկի «STP Quality Award 2020» մրցանակ:

Հաշվի առնելով Յունիբանկի 2020թ. ֆինանսական արդյունքները, ժողովում որոշում կայացվեց սովորական անվանական բաժնետոմսերի գծով տարեկան շահութաբաժիններ չվճարել և զուտ շահույթն ուղղել բանկի հեռանկարային զարգացմանը, գլխավոր պահուստին հատկացնել 5%:
 
Ապագայում ևս Յունիբանկը կշարունակի նորագույն ֆինանսական տեխնոլոգիաների ակտիվ կիրառումը և օնլայն բանկինգի զարգացումը, ինչպես նաև արդի միտումներին համահունչ կմասնակցի «Կանաչ ֆինանսավորում» նախագծին: