Այսուհետ «Յունիբանկ»-ն իր հաճախորդներին կառաջարկի արտարժույթի փոխարժեքների փոխհամաձայնեցված տարբերակ
28.09.2009 «Յունիբանկ» ՓԲԸ-ի 31 մասնաճյուղերում այսուհետ սահմանվելու են արտարժույթի փոխանակման շուկայականից առավել նպաստավոր փոխարժեքներ: Հաճախորդներին ընձեռվելու է նաեւ փոխարժեքների սակարկման հնարավորություն: Փոխարկային կորուստներից խուսափելու նպատակով, «Յունիստրիմ» դրամական փոխանցումների համակարգից օգտվող հաճախորդների համար, արտարժույթ փոխանակելիս սահմանվել են նաեւ որոշակի արտոնություններ: Ինչպես նշեց «Յունիբանկ»-ի Վարչության նախագահի տեղակալ Սամվել Գրիգորյանը, «Յունիստրիմ» համակարգով դրամական փոխանցում ստացած հաճախորդից ռուսական ռուբլու առքը «Յունիբանկ»-ի ցանկացած մասնաճյուղում կկատարվի այդ օրվա դրությամբ բանկում սահմանված փոխարժեքից 0,05 դրամով բարձր փոխարժեքով: Իսկ եթե գումարը հաճախորդին ուղարկվում է Ռուսաստանի Դաշնությունից անմիջապես ՀՀ դրամով, ապա այս դեպքում փոխանցման միջնորդավճարը կազմում է 0%: Պարզապես փոխանցում կատարողը պետք է հանձնարարի ռուսաստանյան բանկի սպասարկող մենեջերին գումարը փոխանցել ՀՀ դրամով:Հիշեցնենք, որ «Յունիբանկ»-ի Երեւանյան այլ մասնաճյուղերի փոխարժեքներին համապատասխան փոխարժեքներ են սահմանվում նաեւ «Զվարթնոց» միջազգային օդանավակայանի ժամանման սրահում տեղակայված` «Յունիբանկ»-ի նույնանուն մասնաճյուղում: «Զվարթնոց» մասնաճյուղը գործում է շուրջորյա, առանց հանգստյան օրերի: