Հոկտեմբերի 17-ին Բեռլինում Արթուր Աբրահամի եւ Ջերմեն Թեյլորի մենամարտով կսկսվի Super Six World Boxing Classic մրցաշարը: Նույն օրը մի քանի ժամ անց Մեծ Բրիտանիայում կկայանա մրցաշարի երկրորդ մենամարտը: Ռինգ դուրս կգան Անդրե Դիրելը եւ Կարլ Ֆրոչը:
Showtime ամերիկյան հեռուստաընկերության կողմից նախաձեռնված այս մրցաշարին կմասնակցեն միջին քաշային կարգի վեց ուժեղագույն բռնցքամարտիկներ, այդ թվում աշխարհի չեմպիոններ Միկել Քեսլերը եւ Կարլ Ֆրոչը: Լավագույն վեցյակը կվիճարկի սուպերչեմպիոնի տիտղոսը: