«Յունիբանկ»-ը սահմանել է բարձր տոկոսադրույք կենսաթոշակային քարտի հաշվի դրամական միջոցների նկատմամբ` 5% տարեկան: «Յունիբանկ»-ի կենսաթոշակային քարտը  սպասարկման արտոնյալ պայմաններով ArCa Classic ունիվերսալ բանկային քարտ է ` նախատեսված հատուկ թոշակառուների համար: Քարտի տրամադրումն ու սպասարկումն իրականացվում է անվճար:
  
Հիշեցնենք, որ 2011թ.-ի հունվարի 24-ին «Յունիբանկ»-ը  ՀՀ աշխատանքի և սոցիալական հարցերի նախարարության հետ կնքեց անկանխիկ եղանակով կենսաթոշակների վճարման ծառայությունների մատուցման պայմանագիր: Քարտի միջոցով կարելի է ստանալ կանխիկ դրամական միջոցներ Բանկի դրամարկղներում եւ բանկոմատներում առանց միջնորդավճարի, ինչպես նաեւ վճարումներ իրականացնել առեւտրային եւ սպասարկման կետերում: Կենսաթոշակային քարտերը տրամադրվում են «Յունիբանկ»-ի  բոլոր 34 մասնաճյուղերում:

2010թ.-ին «Յունիբանկ»-ի կողմից թողարկված քարտերի քանակն աճել է ավելի քան 66 տոկոսով` կազմելով 66 հազար: Այս տարի Բանկը նախատեսում է թողարկված քարտերի քանակը հասցնել 200 հազարի, POS տերմինալներինը` 900-ի, իսկ բանկոմատներինը` 100-ի:

Կենսաթոշակների վճարման ծառայությունների վերաբերյալ առավել մանրամասն տեղեկատվություն ստանալու համար կարող եք դիմել «Յունիբանկ»-ի ցանկացած մասնաճյուղ կամ զանգահարել Բանկի հեռախոսակապի կենտրոն` 59 55 55 հեռախոսահամարով: Մեր մասնագետների հետ կարող եք կապվել նաեւ «Յունիբանկ»-ի կայքի «Հետադարձ կապ» բաժնում տեղադրված հատուկ ձեւը լրացնելու միջոցով: