«Յունիբանկ»-ի կողմից Երեւանի կենտրոնում բացված «Օպերա» մասնաճյուղը սկսել է հաճախորդների սպասարկումը: Նորաբաց մասնաճյուղի անվանման ընտրությունը պատահական չէ. այն գտնվում է Օպերայի եւ Բալետի թատրոնի  հարեւանությամբ` քաղաքի ամենաբանուկ հատվածներից մեկում` Սայաթ Նովա 1 հասցեում: Հեռ.` (37410) 54-46-08:

«Օպերա» մասնաճյուղն իրականացնում է ֆիզիկական եւ իրավաբանական անձանց համալիր սպասարկում, այդ թվում` ավանդների ընդունում, վարկավորում, բանկային քարտերի տրամադրում, Յունիստրիմ դրամական փոխանցումների իրականացում եւ կոմունալ վճարումների ընդունում:

«Օպերա» մասնաճյուղի բացմամբ «Յունիբանկ»-ի մասնաճյուղերի քանակը կազմեց 35: Հիշեցնենք, որ Բանկի բոլոր մասնաճյուղերը միացված են տվյալների միասնական բազային եւ աշխատում են online աշխատակարգով, ինչը հաճախորդների սպասարկումը դարձնում է ավելի հարմարավետ:

«Յունիբանկ»-ի մասնաճյուղերի հասցեներին եւ աշխատաժամերին կարող եք ծանոթանալ www.unibank.am կայքի «Մասնաճյուղային ցանց» բաժնում կամ զանգահարել 59 55 55 հեռախոսահամարով: