2010թ.-ի մայիսի 3-ին «Յունիբանկ» ՓԲԸ գլխամասային գրասենյակում կկայանա Բանկի բաժնետերերի տարեկան ժողովը, որում կամփոփվեն Բանկի  գործունեության 2009թ.-ի ցուցանիշները:  Չնայած ճգնաժամային տարվան հատուկ դժվարություններին եւ շուկայի բացասական միտումներին, 2009թ.-ը «Յունիբանկ»-ի համար առավել քան հաջող տարի էր: Բանկն էապես մեծացրեց վարկային պորտֆելը և ավելացրեց հաճախորդների թվաքանակը:
«Յունիբանկ»-ի դիրքերը ՀՀ բանկային համակարգում 2009թ.-ի արդյունքներով հետեւյալն են. ակտիվներ` 5-րդ տեղը, վարկային ներդրումներ` 5-րդ տեղը, արդյունաբերության ոլորտի վարկավորում` 1-ին տեղը, ֆիզիկական անձանց վարկավորում` 2-րդ տեղը, հիփոթեքային վարկավորում` 2-րդ տեղը, ավտովարկավորում` 1-ին տեղը, պարտավորություններ` 3-րդ տեղը, ժամկետային ավանդներ` 1-ին տեղը, դրամական փոխանցումներ` 1-ին տեղը: