Յունիբանկը պրոմո-կետ  է բացել Երևանի Մարգարյան 23/6 հասցեում գտնվող “Կայզեր” սուպերմարկետում  /Աջափնյակ վարչական շրջան/:  Պրոմո-կետի աշխատակիցները հաճախորդներին ներկայացնում են սպառողական վարկավորման պայմանները, պարզաբանում վարկավորման գործընթացը և օգնում վարկային հայտի լրացման գործում: Պրոմո-կետի առկայությունը հնարավորություն է ընձեռում  հաճախորդների համար առավել հարմարավետ դաձնել սպառողական վարկերի ձևակերպման գործընթացը` սուպերմարկետի տարածքում գտնվող “Mobile Centre” խանութ-սրահից բջջային հեռախոսներ և այլ տեխնիկա գնելու ժամանակ:

Վարկերը տրամադրվում են բացասական վարկային պատմություն չունեցող ֆիզիկական անձանց: Վարկավորման պայմանները հետևյալն են` վարկի գումարը` մինչեւ 500 հազար դրամ, ժամկետը` 24 ամիս, տոկոսադրույքը` 20% տարեկան: Կանխավճար Բանկը չի պահանջում: Վարկավորման համար անհրաժեշտ է ներկայացնել փաստաթղթերի նվազագույն փաթեթ` անձնագիր, սոցիալական քարտ և տեղեկանք աշխատավայրից: Վարկային հաշվի բացումը և սպասարկումն իրականացվում է անվճար:

Յունիբանկի սպառողական վարկերի առավելություններն են անհրաժեշտ գումարի արագ ստացումն ու վարկատեսակների մեծ ընտրությունը: Յունիբանկն առաջարկում է ինչպես նպատակային, այնպես էլ ոչ նպատակային սպառողական վարկեր, երբ գումարը տրամադրվում է ցանկացած սպառողական նպատակի`  ապրանքներ գնելու, վերանորոգման, բժշկական, ճամփորդական կամ այլ ծախսերը հոգալու համար:

2011թ.-ի առաջին կիսամյակի տվյալներով, Յունիբանկը ֆիզիկական անձանց վարկավորման ծավալներով Հայաստանի առաջատար բանկերի հնգյակում է:  30.06.2011թ.-ի դրությամբ Բանկի կողմից ֆիզիկական անձանց տրամադրված վարկերի ծավալը գերազանցել է 23.6 մլրդ դրամը, ինչը կազմում է Բանկի ընդհանուր վարկային ներդրումների 31,6%-ը:

Հիշեցնենք, որ Յունիբանկի պրոմո-կետերը գործում են նաև  «Նիքս»,  «Ֆայն» և “Mobile Centre” տեխնիկայի խանութ-սրահներում, M&S կահույքի սրահում և  «Ավիատրանս» ավիագործակալությունում:
Լրացուցիչ հարցերի համար կարող եք զանգահարել (010) 59 55 55 հեռախոսահամարով կամ կապվել մեր մասնագետների հետ www.unibank.am կայքում տեղադրված հետադարձ ձևը լրացնելու միջոցով: